ចៃដន្យណាស់! លំដាប់ជើងខ្លាំងចាញ់សន្លប់ដូចគ្នាក្នុងសប្ដាហ៍តែមួយ

2021-06-29 02:06:30
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃសៅរ៍-អាទិត្យសប្ដាហ៍មុននេះអ្នកគាំទ្រគុនខ្មែរមានការភ្ញាក់ផ្អើលអំពីការភ្លាត់ចាញ់សន្លប់ដែលសុទ្ធតែជាជើងខ្លាំងដូចគ្នារួមមានដូចជា ឡៅ ចន្ទ្រា និង សុខ រិទ្ធ។

ចន្ទ្រា ពេលប៉ះ ថៃ រិទ្ធី (រូបភាព រតនា ណយ)

ទាំងកីឡាករ ឡៅ ចន្ទ្រា និង សុខ រិទ្ធ គឺសុទ្ធតែជើងខ្លាំង មានកេរ្តិ៍ឈ្មោះល្បីខណៈដែលការប្រកួតមុនៗកម្រចាញ់ និងភាគច្រើនបំផុតធ្វើបានល្អ។ យ៉ាងណាការពីថ្ងៃសៅរ៍ ទី២៦ មិថុនា ២០២១ នេះ ឡៅ ចន្ទ្រា ភ្លាត់ចូលកណ្ដាប់ដៃរបស់ ថៃ រិទ្ធ ក្នុងទឹក៣ធ្វើឲ្យអាជ្ញាកណ្ដាលរាប់ដល់ ៨ នៅតែមិនអាចបន្តការប្រកួតទៀតបាន។

ចំណែកកីឡាករ សុខ រិទ្ធ គឺភ្លាត់ចាញ់សន្លប់ សែន រ៉ាដេត កាលពីថ្ងៃអាទិត្យ តី២៧ មិថុនា ២០២១ នៅសង្វៀន TOWN។ ប៉ុន្តែកីឡាកររូបនេះបានឈ្នះ១ប្រកួតដំបូង និងចាញ់នៅប្រកួតទី២ ផ្ដាច់ព្រ័ត្រម៉ារ៉ាតុង។

សុខ រិទ្ធ ចាញ់ រ៉ាដេត (រូបភាពលើផេក TOWN)

ការចាញ់រហូតដល់សន្លប់នេះគឺឃើញអ្នកគាំទ្រវិស័យប្រដាល់គុនខ្មែរមានការភ្ញាក់ផ្អើលខ្លាំង និងបានបញ្ចេញមតិក៏ច្រើនដែរលើបណ្ដាញសង្គមហ្វេសបុកផងដែរបន្ទាប់ពីចប់ការប្រកួត។ រំលឹកដែរថា ឡៅ ចន្ទ្រា ជាកីឡាករជើងខ្លាំងប្រចាំក្លឹបឆត្រយោង ៩១១។ រីឯ សុខ រិទ្ធ ជាកីឡាករមកពីក្លឹបសៅយ៉ាន់កីឡាខេត្តបន្ទាយមានជ័យ៕