២ប្រកួតរបស់ ថៃ រិទ្ធី កេរ្តិ៍ឈ្មោះឡើងកប់ក្នុងវិស័យគុនខ្មែរអំឡុងកូវីដ ១៩ នេះ...

2021-07-20 02:01:24
ចំនួនមតិ 0 | ចំនួនចែករំលែក 0

ចន្លោះមិនឃើញ

២ប្រកួតចុងក្រោយរបស់កីឡាករ ថៃ រិទ្ធី កេរ្តិ៍ឈ្មោះល្បីខ្លាំងតែម្ដង ពោលលើហ្វេសបុកក្នុងចង្កោមប្រដាល់ឃើញតែការភ្ញាក់ផ្អើល និងសរសើរអ្នកលេងគុនខ្មែររូបនេះថាវ៉ៃបានល្អ។

ថៃ រិទ្ធី ពេលឈ្នះ ចន្ទ្រា

ការប្រកួតរបស់ ថៃ រិទ្ធី កាលពីថ្ងៃសៅរ៍ ទី២៦ ខែមិថុនា កន្លងទៅនេះគឺឈ្នះជើងខ្លាំងលំដាប់ប្រទេស ឡៅ ចន្ទ្រា ដោយផ្ដួលឲ្យសន្លប់ក្នុងទឹកទី៣ លើសង្វៀនបាយ័ន កម្មវិធី Champion។ ការប្រកួតមួយនេះសូម្បី រិទ្ធី ខ្លួនឯងក៏មិនចង់ជឿដែរ ព្រោះអាចផ្ដួល ចន្ទ្រា ដែលជាជើងខ្លាំង និងល្អគ្រប់ស្នៀតបាន ខណៈអ្នកប្រដាល់ក្នុងស្រុកកម្រនឹងឈ្នះសិស្សគុនមកពីឆត្រយោង ៩១១ នេះណាស់។

ថៃ រិទ្ធី ពេលឈ្នះ ធារ៉ា

ចំណែកប្រកួតចុងក្រោយកាលពីថ្ងៃអាទិត្យ ទី១៨ ខែកក្កដា នេះកីឡាករ ថៃ រិទ្ធី បានផ្ដួលអ្នកលេងកែងពិឃាដ ធឿន ធារ៉ា ឲ្យសន្លប់ និងបែករហូត១៩ថ្នេរឯណោះលើសង្វៀនបាយ័ន កម្មវិធីខារ៉ាបាវ។ ដូចប្រិយមិត្តគុនខ្មែរដឹងស្រាប់ហើយថា ធារ៉ា ស៊ីស្ទើរតែអស់ទៅហើយប៉ុន្មានខែនេះ ជាពិសេសស្នៀតផ្ដួលដៃគូដោយកែងពិឃាដរបស់គេ។ ប៉ុន្តែកូនសិស្សលោក អេ ភូថង រូបនេះចាញ់សន្លប់ដោយសារកែងរបស់ រិទ្ធី ទៅវិញ ខណៈដែលនេះជាការប្រកួតជក់ចិត្ត និងគេមានសរសើរច្រើនតាមហ្វេសបុក និងសូម្បីលោក នាង ស៊ីវុត្ថា អ្នកគ្រប់គ្រប់ប្រដាល់នៅបាយ័នផងដែរ។

កីឡាករ ថៃ រិទ្ធី

ការឈ្នះ២ប្រកួតនេះហើយធ្វើឲ្យ ថៃ រិទ្ធី មានកេរ្តិ៍ឈ្មោះល្បីខ្លាំងតែម្ដងប៉ុន្មានសប្ដាហ៍នេះជាពិសេសគេសរសើរកណ្ដាប់ដៃមហាទម្ងន់តែម្ដង ចូលមួយដឹងតែបាត់មាត់ឈឹងហើយ។ យ៉ាងណាប្រិយមិត្តមួយចំនួនចាប់ផ្ដើមផ្គូផ្គងជាមួយដៃភ្លើងជើងរន្ទះ រឿង សោភ័ណ្ឌ ទៀតហើយនៅប្រកួតបន្ទាប់ទៀត ប៉ុន្តែមិនដឹងថាអាចជួបគ្នាឬអត់នោះទេ៕

ថៃ រិទ្ធី ប៉ះ ឡៅ ចន្ទ្រា