Tuchel សង្ឃឹមថា Kante និង Lukaku អាចនឹងមកជួយ Chelsea ក្នុងប្រកួតតទល់នឹង Arsenal

2021-08-16 12:18:58
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Thomas Tuchel សង្ឃឹមថា ខ្សែបម្រើ N'Golo Kante និង ខ្សែប្រយុទ្ធ Romelu Lukaku នឹងអាចមកជួយ Chelsea ក្នុងការប្រកួតក្របខ័ណ្ឌ Premier League តទល់នឹង Arsenal នៅថ្ងៃទីអាទិត្យ ទី២២ ខែសីហា ឆ្នាំ២០២១។ នេះបើយោងតាមការចុះផ្សាយរបស់ក្លឹបនេះផ្ទាល់។

Kante និង Lakaku ជាកីឡាករដែលបានអនុវត្តមានក្នុងការប្រកួតបើកឆាកដំបូងនៃរដូវកាលថ្មីជាមួយក្លឹប Crystal Palace ក្នុងលទ្ធផលឈ្នះ ៣-០។

បើតាមការបញ្ជាក់របស់ Tuchel ផ្ទាល់ទាក់ទងនឹងមូលហេតុមិនបានចូលរួមរបស់ Kante ក្នុងការប្រកួតខាងលើនេះគឺដោយសារតែកីឡាករនេះរាងមានបញ្ហាកែងជើងក្រោយប្រកួតចប់នឹង Villarreal ក្នុងក្របខ័ណ្ឌ UEFA Super Cup កាលពីថ្ងៃព្រហស្បតិ៍កន្លងទៅនេះ។

ដូច្នេះលោកក៏បានសម្រេចឲ្យកីឡាករនេះសម្រាក និងធ្វើការព្យាបាលសិន ដែលរំពឹងថានឹងជាសះស្បើយ ហើយត្រលប់មកចូលរួមហ្វឹកហាត់ជាមួយក្រុមដូចធម្មតាវិញនៅពាក់កណ្ដាលសប្ដាហ៍នេះ។

សម្រាប់ Luakaku វិញដែលជាកីឡាករថ្មីសម្រាប់ Chelsea ក្នុងរដូវកាលនេះ អ្នកចាត់ការរូបនេះក៏បានបញ្ជាក់ផងដែរថា គេកំពុងជាប់ធ្វើចត្តាឡីស័ក ហើយលោករំពឹងថាកីឡាករនេះនឹងបញ្ចប់ការធ្វើចត្តាឡីស័កនេះតាមពេលកំណត់ និងមកចូលរួមហ្វឹកហាត់ជាមួយក្រុមនៅថ្ងៃទីអង្គារ ស្អែកនេះ៕

ប្រភព៖ chelseafc អត្ថបទ៖ សេរី មង្គល