គូ ថៃ រិទ្ធី ឡៅ ចន្ទ្រា មិនប្រកាសលទ្ធផល ប៉ុន្តែបើកប្រាក់តម្លៃខ្លួនបានធម្មតា
- 2021-08-30 00:15:00
- ចំនួនមតិ 0 | ចំនួនចែករំលែក 0
គូ ថៃ រិទ្ធី ឡៅ ចន្ទ្រា មិនប្រកាសលទ្ធផល ប៉ុន្តែបើកប្រាក់តម្លៃខ្លួនបានធម្មតា
ចន្លោះមិនឃើញ
នេះបើតាមការបញ្ជាក់ពីលោក នាង ស៊ីវុត្ថា អ្នករៀបចំប្រដាល់នៅសង្វៀនបាយ័ន សម្រាប់គូ ថៃ រិទ្ធី និង ឡៅ ចន្ទ្រា ម្សិលមិញនេះប្រកួតមិនចប់ចុងចប់ដើម មិនប្រកាសលទ្ធផលក៏ដោយគឺនៅតែបើកប្រាក់តម្លៃខ្លួនជូនធម្មតា។
លោក នាង ស៊ីវុត្ថា ម្សិលមិញនេះគឺបានឡើងលើសង្វៀនផ្ទាល់តែម្ដង ដើម្បីសម្របសម្រួលកម្មវិធីលើកពេលប្រកួតរវាង ចន្ទ្រា និង រិទ្ធី ទៅថ្ងៃក្រោយ ព្រោះការទាត់នេះកីឡាករគ្មានចេតនាទេ។ បើទោះជាការប្រកួតមិនចប់ចុងចប់ដើមក៏ដោយ តែខាងស្ថានីយនៅតែបើកប្រាក់តម្លៃខ្លួនជូនដដែល ដោយឡែកចំពោះប្រាក់ឧបត្ថម្ភ ២លានរៀលរបស់ខារ៉ាបាវ គឺលោកស្នើទៅម្ចាស់កម្មវិធីរក្សាទុករៀបចំនៅប្រកួតក្រោយដដែល។
រំលឹកដែរថា ជំនួបសងសឹកដែលរៀបចំដោយស្ថានីយទូរទស្សន៍បាយ័នរវាង ឡៅ ចន្ទ្រា និង ថៃ រិទ្ធី ម្សិលមិញនេះប្រកួតបានតែបន្តិចប៉ុណ្ណោះក្នុងទឹកទី១ ក៏ត្រូវបានបញ្ចប់ត្រឹមនេះតែម្ដង។ ព្រោះកីឡាករ ថៃ រិទ្ធី មានអាការៈឈឺខ្លាំងត្រង់តំបន់ហាមឃាត់ផ្នែកចង្កេះបន្ទាប់ពី ចន្ទ្រា ទាត់មួយជើងឆ្វេងរួចមក៕
វីដេអូប្រកួត៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
