Floyd ទិញផ្ទះទី៣ តម្លៃ១៨លានដុល្លារ ទុកគ្រាន់ទៅលំហែរនៅមាត់សមុទ្រ

2021-09-07 07:21:20
ចំនួនមតិ 0 | ចំនួនចែករំលែក 0

ចន្លោះមិនឃើញ

Floyd Mayweather បានចំណាយប្រាក់ប្រមាណ១៨លានដុល្លារទិញផ្ទះនៅ Miami Beach ដើម្បីទុកគ្រាន់ទៅលំហែរកាយម្ដងម្កាល។

កំពូលអ្នកប្រដាល់ដែលត្រូវបានគេដឹងថាមានទ្រព្យសម្បត្តិប្រហែល៤៥០លានដុល្លារខាងលើមានផ្ទះ២កន្លែងទៅហើយនៅ Beverly Hills មួយកន្លែងតម្លៃ២៦លានដុល្លារ និងនៅ Las Vegas តម្លៃ១០លានដុល្លារ។ ការទិញផ្ទះនៅ Miami គឺជាផ្ទះទី៣របស់គេហើយតម្លៃ១៨លានដុល្លារទៀត។ Floyd ក៏នៅមានផ្ទះសំណាក់២កន្លែងទៀតនៅ Las Vegas ផងដែរ នឹងកន្លែងហាត់ប្រាណក៏ធំមួយដែលជាកន្លែងរូបគេទៅហាត់ជាប្រចាំ។

ក្រៅពីចំណាយប្រាក់រាប់លានដុល្លារទៅលើផ្ទះនេះហើយ អតីតកីឡាករវាយមិនដែលចាញ់របស់អាមេរិកនេះ ក៏នៅមានការ៉ាស់ឡានធំ២ទៀតដែរ ដែលកំពុងដាក់ឡានថ្លៃៗរបស់គេ។ តម្លៃសរុបឡានទាំងអស់ដែលរូបគេទិញប្រមាណ ២៧លានដុល្លារ។ ក្រៅពីរឿងទាំងអស់នេះហើយ Floyd ក៏តែងតែបង្អួតអ្នកគាំទ្រជាមួយគ្រឿងអលង្ការដាំពេជ្រ និងលុយពេញៗកាបូបដែរ ឱ្យតែចេញដើរទៅណាម្ដងៗ៕

ប្រភព៖ Dailymail យ៉ា ណុត