គ្រូក្លឹបគោព្រៃ សរសើរភាពរីកចម្រើន និងការតស៊ូរបស់ សូដា ចាន់បូរិន
- 2021-09-21 08:38:33
- ចំនួនមតិ 0 | ចំនួនចែករំលែក 0
គ្រូក្លឹបគោព្រៃ សរសើរភាពរីកចម្រើន និងការតស៊ូរបស់ សូដា ចាន់បូរិន
ចន្លោះមិនឃើញ
គ្រូប្រដាល់ក្លឹបគុនខ្មែរគោព្រៃ សរសើរដល់កីឡាករវ័យក្មេង សូដា ចាន់បូរិន មានការតស៊ូខ្លាំង និងសមត្ថភាពរីកចម្រើនពីមួយប្រកួតទៅមួយប្រកួត។
លោក ផាត់ សូដា គ្រូប្រដាល់ក្លឹបគុនខ្មែរគោព្រៃ ថាលោកពិតជាពេញពីតស៊ូរបស់កីឡាករវ័យក្មេង សូដា ចាន់បូរិន ក៏ព្រោះតែរូបគេមានការខំប្រឹងប្រែងហ្វឹកហាត់មិនខ្លាចនឿយហត់។ ការហ្វឹកហាត់នេះគឺធ្វើឲ្យ បូរិន រឹតតែមានការរីកចម្រើនលើសមត្ថភាពប្រកួត។
គ្រូប្រដាល់ខាងលើនេះបន្ថែមទៀតថា ការប្រកួតចាញ់ ឬស្មើកន្លងទៅរបស់ សូដា ចាន់បូរិន នេះគឺភាគច្រើនដៃគូលើសទម្ងន់ ប៉ុន្តែបើទម្ងន់ស្មើគ្នាវិញគឺលោកជឿជាក់ថាមិនងាយនរណាឈ្នះបានឡើយ។ ពេលចាប់ផ្ដើមហាត់ដំបូងគឺ បូរិន នៅស្ទើរចិត្តបន្តិច ប៉ុន្តែឥលូវអភិវឌ្ឍន៍បានល្អកែប្រែចំណុចខ្វះខាតនេះបានហើយ។
រំលឹកដែរថា សូដា ចាន់បូរិន ជាកីឡាករថ្នាលនៅក្លឹបគុនខ្មែរគោព្រៃ។ ប្រកួតបាន៩ដង ឈ្នះ៤ ចាញ់៣ និងស្មើ២។ ប្រកួតចុងក្រោយយប់មិញក្នុងកម្មវិធីពន្លកគុនខ្មែរអលស្តារ សងសឹកបានសម្រេចលើកីឡាករ រឹទ្ធ ប្រយុទ្ធ៕