លោក អ៊ូ សុផល ឃើញថា ម៉េងហួង ឥឡូវឆ្លាតជាងមុនត្រង់...

2021-10-04 06:40:23
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូបង្វឹករបស់ក្រុមក្រសួងមហផ្ទៃ និងជាគ្រូបង្វឹករបស់ ធី ម៉េងហួង ផ្ទាល់បានសរសើរទៅកាន់សិស្សរបស់ខ្លួនថាមានភាពរីកចម្រើនត្រង់ភាពឆ្លាតវៃក្នុងការផ្ដាច់ ពោលគឺមិនប្រើកម្លាំងបាយសុទ្ធដូចមុនទេ។

គ្រូបង្វឹកដែលធ្លាប់មានបទពិសោធច្រើនក្នុងការប្រកួតរូបនេះបានឲ្យដឹងថា ម៉េងហួង ពេលនេះអាចថាឆ្លាតជាងមុនច្រើនគឺវ៉ៃចេះរកចន្លោះ ពោលគឺវ៉ៃឆ្លាត មិនប្រើកម្លាំងបាយសុទ្ធពេកដូចមុន។ យ៉ាងណាក្នុងការបង្ហាញសមត្ថភាពល្អក្នុងពេលថ្មីៗនេះលោកក៏មិនទាន់គិតថាល្អណាស់ណាពេកដែរ សម្រាប់លោកគឹរង់ចាំមើលប៉ះក្រុមខ្លាំងដូចជាវិសាខាសិន ថាម៉េងហួងអាចធ្វើបានល្អកម្រិតណានោះ។

ទាក់ទងការប្រកួតពាន Special Volleyball Challenge 2021 លោកមិនទាន់រំពឹងអាចយកបានពាននេះឡើយ គ្រាន់តែរំពឹងខ្ពស់ក្នុងការបានឡើងទៅកាន់វគ្គ៤ក្រុមចុងក្រោយ ពីព្រោះបីប្រកួតកន្លងមកឈ្នះទាំងអស់ហើយរង់ចាំប្រកួតថ្ងៃទី១០ ខែតុលា នេះទល់ក្រុមសុវណ្ណនាថ និងម៉ាប់ឆ្វេង ដែលជាប្រកួតចុងក្រោយក្នុងពូល B ៕