CAMSOC ព្រឹកមិញប្រជុំលើ៣ចំណុចធំៗ ការទទួលទង់ស៊ីហ្គេម ការត្រៀមទៅស៊ីហ្គេម វៀតណាម...

2021-10-26 06:50:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រជុំប្រចាំសប្ដាហ៍ព្រឹកមិញនេះរបស់ CAMSOC គឺលើ៣ចំណុចធំៗរួមមាន ការត្រៀមខ្លួនទទួលទង់ស៊ីហ្គេម ការពង្រឹងសហព័ន្ធត្រៀមប្រកួតស៊ីហ្គេម នៅវៀតណាម និងការត្រៀមសម្ពោធកីឡដ្ឋានមរតកតេជោ។

ឯកឧត្ដម ថោង ខុន

តំណាង CAMSOC ឯកឧត្ដម វ៉ាត់ ចំរើន បានឲ្យដឹងថា ក្រោយការដឹកនាំកិច្ចប្រជុំរបស់ឯកឧត្ដម ថោង ខុន ទី១ គឺតាមដានត្រួតពិនិត្យលើរឿងការត្រៀមអ្វីខ្លះ និងការហាត់សមដើម្បីសម្ដែងក្នុងពេលទៅទទួលទង់ស៊ីហ្គេមពីវៀតណាម។ ទី២ បញ្ជាក់ពីការត្រៀមខ្លួនដល់សហព័ន្ធកីឡាជាតិដែលត្រូវទៅប្រកួតនៅស៊ីហ្គេម វៀតណាម ព្រោះពេលនេះខាងម្ចាស់ផ្ទះបានប្រាប់ច្បាស់ហើយថានឹងធ្វើ ដូច្នេះត្រូវរៀបចំក្នុងការចូលរួម។ ទី៣ គឺការពិនិត្យគិតគូរលំអិតអំពីការត្រៀមធ្វើអ្វីខ្លះ ឬដាក់បញ្ចូលអ្វីដែលសំខាន់ៗដើម្បីឲ្យវាសក្ដិសមចំពោះភាពអស្ចារ្យនៃពហុកីឡដ្ឋានមរកតតេជោនេះ។

រូបភាពប្រជុំពិមុន

បញ្ជាក់ដែរថា រៀងរាល់ថ្ងៃអង្គារគឺគណៈកម្មការរៀបចំកីឡាអាស៊ីអាគ្នេយ៍ លើកទី៣២ តែងតែប្រជុំត្រួតពិនិត្យអំពីវឌ្ឍនភាពការងារផ្សេងៗជាមួយប្រធានគណៈកម្មការនិមួយៗរបស់ CAMSOC។ កិច្ចប្រជុំនេះគឺដឹកនាំដោយឯកឧត្ដម ថោង ខុន អនុប្រធានអចិន្ត្រៃយ៍ និងឯកឧត្ដម វ៉ាត់ ចំរើន អគ្គលេខាធិការ CAMSOC៕

អត្ថបទ៖ នួន ស៊ីណា