Henry ថា នៅ PSG លោក Pochettino មិនងាយគ្រប់គ្រង Messi, Neymar និង Mbappe ទេ
- 2021-11-25 02:44:20
- ចំនួនមតិ 0 | ចំនួនចែករំលែក 0
Henry ថា នៅ PSG លោក Pochettino មិនងាយគ្រប់គ្រង Messi, Neymar និង Mbappe ទេ
ចន្លោះមិនឃើញ
Thierry Henry មើលឃើញពីភាពលំបាករបស់លោក Mauricio Pochettino ក្នុងការរៀបចំក្រុមដែលលោកចង់បានដោយសារតែវត្តមានរបស់ Messi, Neymar និង Mbappe។
PSG បានប្រកួតចាញ់ក្រុមខ្លាំងមកពីអង់គ្លេស Manchester City ២-១ ក្នុងការប្រកួតទី៥នៃវគ្គសន្សំពិន្ទុ។ ត្បិតលទ្ធផលបែបនេះក្ដី ប៉ុន្តែក្រុមទាំងពីរបានកាន់ដៃគ្នាឡើងទៅវគ្គ១៦ក្រុមចុងក្រោយទៅហើយ ដោយសារមានពិន្ទុដាច់ក្នុងពូល។
បរាជ័យនេះបានធ្វើឲ្យ Henry ចាប់បានភាពលំបាករបស់ Pochettino ក្នុងការគ្របគ្រងកីឡាករធំៗក្នុងក្លឹប។ អតីតវីរបុរសរបស់ Arsenal បានលើកឡើងថា Pochettino មិនអាចរៀបចំក្រុមដែលគេចង់បានឡើយ ព្រោះតែវត្តមានរបស់ Messi, Neymar និង Mbappe។
Henry បាបន្ថែមទៀតថា តើ Pochettino អាចឲ្យ Messi, Neymar និង Mbappe អង្គុយបម្រុងយ៉ាងដូចម៉េច? ដូច្នេះទើបគេដាក់ឲ្យ Angel Di Maria លេងនៅបម្រើ។ ហើយបើចង់ឈ្នះ Champions League គឺមិនអាចដាក់កីឡាករការពារដល់ទៅ៧នាក់ ដូចកាលលេងយប់មិញទេ។
សម្រាប់លោក Jamier Carragher ដែលជាមិត្តរួមការងារជាមួយ Henry ក៏បានលើកទឹកចិត្តឲ្យ Pochettino មក Man Utd មក។ "ប្រសិនបើខ្ញុំទទួលបានឱកាសទៅ Manchester United ខ្ញុំនឹងទៅនៅថ្ងៃស្អែក"។ នេះជាសម្ដី Carragher រំឭក Pochettino៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
