រថយន្តតម្លៃខ្ទង់ ៤លានដុល្លាររបស់ Pagani នឹងមកដល់កម្ពុជាលើកដំបូង
- 2021-11-25 03:58:13
- ចំនួនមតិ 0 | ចំនួនចែករំលែក 0
រថយន្តតម្លៃខ្ទង់ ៤លានដុល្លាររបស់ Pagani នឹងមកដល់កម្ពុជាលើកដំបូង
ចន្លោះមិនឃើញ
រថយន្តប្រភេទ hypercar ដែលមានតម្លៃប្រហែល ៤លានដុល្លារនៅទីផ្សារបរទេស គឺរថយន្ត Pagani Huayra Roadster BC នឹងក្លាយជារថយន្តដំបូងរបស់ក្រុមហ៊ុនអ៊ីតាលីនេះ ដែលនឹងមកដល់កម្ពុជាឆាប់ៗនេះ។
យោងតាមការបង្ហោះនៅលើទំព័រហ្វេសប៊ុកឈ្មោះ «CARs Passion» នាព្រឹកថ្ងៃទី២៥វិច្ឆិកានេះ បានឱ្យដឹងដូច្នេះថា៖ «Pagani Huayra Roadster BC ជារថយន្ត Pagani ដំបូងរបស់កម្ពុជា ដែលនឹងមកដល់ឆាប់ៗនេះ»។
រថយន្ត Huayra Roadster BC មានប្រវែង ៤៦០៥មម ទទឹង ១១៦៨មម ប្រើម៉ាស៊ីន twin-turbo V12 ចំណុះ ៦,០លីត្រ ផលិតបានកម្លាំង ៧៩១សេះ និងកម្លាំងរមួល ១០៥០ញូ៊វតុនម៉ែត្រ ដែលអាចបើកដល់ល្បឿនអតិបរមា ៣២០គីឡូម៉ែត្រក្នុងមួយម៉ោង។ កម្រិតប្រើប្រាស់សាំងគឺ ១០០គីឡូម៉ែត្រ ស៊ីប្រហែល ២០លីត្រ ហើយធុងវាអាចផ្ទុកសាំងបានចំណុះ ៨៨លីត្រ ដែលគ្រប់គ្រាន់ក្នុងការធ្វើដំណើរបានចម្ងាយជាង ៤០០គីឡូម៉ែត្រ។
គួរដឹងដែរថា កំពូលរថយន្តខ្ទង់លានដុល្លារ ដែលកំពុងមានវត្តមាននៅកម្ពុជា រួមមាន៖
-រថយន្ត Bugatti Chiron ចំនួន៣គ្រឿង ដែលបង្ហាញខ្លួននៅកម្ពុជា កាលពីចុងឆ្នាំ២០១៨, ចុងឆ្នាំ២០១៩ និងឆ្នាំ២០២១នេះ ដែលមានតម្លៃ ៣លានដុល្លារនៅទីផ្សារបរទេស។
-រថយន្តស្ព័ររបស់អ៊ីតាលី Ferrari LaFerrari ចំនួន២គ្រឿង បានបង្ហាញខ្លួនលើទឹកដីប្រទេសកម្ពុជា កាលពីពាក់កណ្តាលឆ្នាំ២០១៩ ។ វាត្រូវបានដាក់លក់នៅលើទីផ្សារបរទេសក្នុងតម្លៃខ្ទង់ ១,៤ លានដុល្លារ។
-រថយន្ត McLaren P1 នេះមានតែមួយគ្រឿងគត់នៅកម្ពុជា។ នៅលើទីផ្សារបរទេស វាមានតម្លៃចាប់ផ្ដើមពីខ្ទង់ ១,៣លានដុល្លារ។
-Mercedes-Benz G63 AMG 6X6 ជារថយន្តមានតែមួយគ្រឿងគត់នៅក្នុងប្រទេសកម្ពុជា ហើយបានលេចមុខកាលពីចុងឆ្នាំ២០១៧។ បច្ចុប្បន្នរថយន្តនេះមានតម្លៃខ្ទង់ ១,៥ លានដុល្លារលើទីផ្សារបរទេស៕