ត្រកូល Note ជាស្មាតហ្វូនប្រើប៊ិចពេញនិយមមួយរបស់ Samsung ប៉ុន្ដែវាបានក្រុមហ៊ុនផ្អាកចេញស៊េរីនៅ ឆ្នាំ២០២១ ដោយថានឹងបញ្ចេញស្មាតហ្វូនថ្មីពីត្រកូលតែមួយនៅឆ្នាំក្រោយ។ ប៉ុន្ដែរបាយការណ៍ចុងក្រោយមួយដែលចេញមកពី ប្រទេសកូរ៉េខាងត្បូង ផ្តល់យោបល់ផ្សេងពីនេះ។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

Samsung ហាក់ដូចជាដកត្រកូល Note ទាំងស្រុងចេញពីផែនការផលិតផលតែម្ដង នៅឆ្នាំ២០២២ ខាងមុខ ហើយមូលហេតុចម្បងគឺសន្ទុះលក់ស្មាតហ្វូនអេក្រង់បត់ ខ្ពស់ជាងត្រកូល Note។

របាយការណ៍លក់បង្ហាញថា Galaxy Note 10 និង Note 20 ទទួលបានការបញ្ជាទិញប្រហែល ១២,៧ និង ៩,៧លានគ្រឿង ក្នុងឆ្នាំ២០១៩ និង ២០២០ ខណៈដែល Galaxy Z Fold តែមួយលក់កើនឡើងដល់ទៅ ១៣លានគ្រឿងឯណោះ។

លើសពីនេះ មានការរាយការណ៍ថា Samsung កំពុងបញ្ឈប់ការផលិត Galaxy Note 20 និង Note 20 Ultra នៅឆ្នាំ២០២២ ខណៈស្មាតហ្វូននេះទើបមានអាយុលើស ១ឆ្នាំ បន្ដិចប៉ុណ្ណោះ៕

ប្រភព៖ GSMarena   ប្រែ​សម្រួល៖ កុសល