Aguero នឹងប្រកាសចូលនិវត្តន៍ពីវិស័យបាល់ទាត់ នៅថ្ងៃពុធនេះ

2021-12-13 12:56:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Sergio Aguero គ្រោងនឹងប្រកាសចូលនិវត្តន៍ពីវិស័យបាល់ទាត់ នៅថ្ងៃពុធ សប្ដាហ៍នេះ។ បើយោងតាមការការរាយការណ៍របស់ អ្នកកាសែតអេស្ប៉ាញ លោក Guillem Balague ដែលមានការចុះផ្សាយនៅ BBC ក្នុងថ្ងៃនេះ។

កាលពីប្រកួត La Liga រវាងក្លឹប Barcelona និងក្លឹប Alaves នៅថ្ងៃទី៣១ ខែតុលា ឆ្នាំ២០២១កន្លងទៅ Aguero បានចូលលេងសុខៗក៏មានបញ្ហាមិនសូវស្រួលនៅលើតំបន់ទ្រូងរបស់គេ ក៏ត្រូវបានចាកចេញពីទីលានប្រកួតភ្លាមៗ។ លុះក្រោយមកត្រូវបានខាងក្លឹបប្រកាសថា កីឡាកររូបនេះនឹងអវត្តមានពីប្រកួត៣ខែ ដើម្បីព្យាបាលរបួសនេះ។

បន្ទាប់មកនៅចន្លោះសប្ដាហ៍ទី២នៃ ខែវិច្ឆិកា ឆ្នាំ២០២១កន្លងទៅ ខាងគ្រូពេទ្យក៏បាន រកឃើញ Aguero មានជំងឺចង្វាក់បេះដូងលោតមិនប្រក្រតី ដែលអាចឲ្យគេបង្ខំចិត្តចូលនិវត្តន៍ពីវិស័យមួយនេះ។

ក្នុងរដូវកាលនេះ Aguero មិនសូវបានចូលប្រកួតប៉ុន្មានទេឲ្យ Barca ដោយមកទល់នឹងពេលនេះចូលលេងបាន ៥ប្រកួត និងរកបាន ១គ្រាប់ប៉ុណ្ណោះ។

នៅក្នុងអាជីពជាកីឡាករបាល់ទាត់របស់គេ កីឡាករនេះចូលលេងបាន ៧៨៦ប្រកួត និងរកគ្រាប់បាល់បាន ៤២៧គ្រាប៕

ប្រភព៖ BBC អត្ថបទ៖ សេរី មង្គល