ប្រធានសហព័ន្ធកីឡាសីដក់៖ សរសើរក្រុមកីឡាករទាំងអស់ដែលប្រឹងហាត់ និងប្រកួតអស់ពីសមត្ថភាព
- 2021-12-16 05:48:53
- ចំនួនមតិ 0 | ចំនួនចែករំលែក 0
ប្រធានសហព័ន្ធកីឡាសីដក់៖ សរសើរក្រុមកីឡាករទាំងអស់ដែលប្រឹងហាត់ និងប្រកួតអស់ពីសមត្ថភាព
ចន្លោះមិនឃើញ
ប្រធានសហព័ន្ធកីឡាសីដក់ និងឈិនឡូនកម្ពុជា បានសរសើរពីភាពប្រឹងប្រែងហ្វឹកហាត់របស់ក្រុមកីឡាសីដក់បើទោះមានបរិបទកូវីដក្ដីបន្តខំពុះពារ និងប្រកួតដោយអស់ពីសមត្ថភាពក្នុងព្រឹត្តិការណ៍ជើងឯកថ្នាក់ជាតិឆ្នាំ២០២១នេះ។
ឯកឧត្ដម មាស សារិន ប្រធានសហព័ន្ធកីឡាខាងលើនេះបានលើកឡើងក្នុងពិធីបិទថាសប្បាយចិត្តជាខ្លាំងនៅពេលដែលឃើញក្រុមកីឡាករទាំងអស់មានការខំប្រឹងទាំងការហ្វឹកហាត់ និងការប្រកួតដោយអស់ៗពីសមត្ថភាពដើម្បីប្រជែងមេដាយជូន ក្លឹប សមាគមរបស់ខ្លួន។
ព្រឹទ្ធាចារ្យកីឡាខាងលើបន្ថែមទៀតថា បើទោះមានការលំបាកក្នុងបរិបទកូវីដក្ដី ប៉ុន្តែម្នាក់ៗមានការខំប្រឹងប្រែងខ្លាំងទៅលើការហ្វឹកហាត់ដើម្បីត្រៀមក្នុងការប្រកួតជើងឯកថ្នាក់នេះ។ ឯកត្តមពិតជាកោតសរសើរ និងជំរុញពួកគេឲ្យខំប្រឹងបន្ថែមទៀត។ ប្រធានសហព័ន្ធរូបនេះក៏ថ្លែងអំណរគុណដល់បណ្ដាម្ចាស់ឧបត្ថម្ភទាំងអស់ដែលបានរួមចំណែកជួយដល់ការប្រកួតនេះដើម្បីដំណើរការប្រកបដោយជោគជ័យ និងអធិកអធម។
រំលឹកដែរថា សហព័ន្ធកីឡាសីដក់ និងឈិនឡូនកម្ពុជា បានធ្វើការប្រកួតជើងឯកថ្នាក់ជាតិនៅឯសាលាអន្តរជាតិសុវណ្ណភូមិ ក្នុងខេត្តកណ្ដាល កាលពីថ្ងៃទី១១ ដល់ ១៣ ខែធ្នូ ឆ្នាំ២០២១។ សមាគមកីឡាក្រសួងការពារជាតិ ទទួលបានមេដាយច្រើនជាងគេ ឈរចំណាត់ថ្នាក់លេខ១ ក្នុងព្រឹត្តិការណ៍នេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
