Motorola ម៉ូដែល RAZR ឆ្នាំ២០២០ ពេលនេះដាក់លក់តម្លៃនៅជាង ១ពាន់ដុល្លារ

2021-12-27 06:35:47
ចំនួនមតិ 0 | ចំនួនចែករំលែក 0

ចន្លោះមិនឃើញ

Motorola ម៉ូដែល RAZR បានត្រឡប់មកវិញនៅចុងឆ្នាំ២០២០ និងបានធ្វើឲ្យអ្នកលេងបណ្ដាញសង្គមមានភាពភ្ញាក់ផ្អើលយ៉ាងខ្លាំង ជាមួយរូបរាងសមត្ថភាពនិងតម្លៃចេញលក់នៅលើទីផ្សារ បន្ទាប់ពីបាត់មុខ ១៥ឆ្នាំមកហើយ។

ទូរសព្ទម៉ូដែល Razr ដ៏ល្បីល្បាញរបស់ Motorola ក្នុងជំនាន់មុននេះ បានវិលត្រឡប់មកវិញក្នុងនាមជាស្មាតហ្វូន Android ដែលអេក្រង់របស់វាអាចបត់បានជាពីរ ដែលផ្នែកខាងក្នុងមានទំហំ ៦,២អ៊ីញ និងផ្នែកខាងក្រៅមានទំហំ ២,៧អ៊ីញ។

Raz បានមកដល់ទីផ្សារកម្ពុជានៅចុងខែកញ្ញា ឆ្នាំ២០២០ ដែលមានហាងធំៗមួយចំនួនប៉ុណ្ណេះបាននាំយកមកលក់នៅលើទីផ្សារប្រទេសកម្ពុជាដោយមានតម្លៃដំបូងខ្ទង់ ២ ៩៩៩ដុល្លារ។ ក្រឡេកមកមើល Motorola ម៉ូដែល RAZR ដែលកំពុងដាក់លក់នៅពេលបច្ចុប្បន្ននេះវិញ តាមប្រភពពីហាង សុខ លី មានតម្លៃខ្ទង់ ១ ៥៩៩ដុល្លារ។

Razr ស៊េរីថ្មីនេះនៅរក្សាទ្រង់ទ្រាយដើមដដែល និងមានដូចជាប្រើបន្ទះឈីប Snapdragon 710,និងដំណើរការដោយ Android 9 Pie, RAM ទំហំ៨GB, អង្គផ្ទុក ២៥៦GB, កាមេរ៉ាមេទំហំ ១៦ MP ដែលមាននូវមុខងារ Night Vision, កាមេរ៉ាខាងក្នុងទំហំ ៥MP, ប្រើរន្ធ USB-C, មាន eSIM និងមានទ្រនាប់ស្កេនម្រាមដៃផងដែរ៕

បញ្ជាក់៖ តម្លៃអាចប្រែប្រួលបន្ទាប់ពីចុះផ្សាយ។

អត្ថបទ៖ ម៉េងងី