Van Dijk ថា Man City មានឱកាសឈ្នះពាន Premier League ច្រើន

2022-01-03 03:06:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែការពាររបស់ Liverpool កីឡាករ Virgil van Dijk បាននិយាយថា Manchester City គឺជាក្រុមអាចដណ្ដើមបានពាន Premier League នៅរដូវកាលនេះ។

ហង្សក្រហមបានបើកការនាំមុខលើ Chelsea ដល់ទៅ២-០ ក្នុងកីឡដ្ឋាន Stamford Bridge កាលពីយប់មិញ។ ប៉ុន្តែពួកគេបានភ្លាត់ឲ្យតោខៀវវាយបកតាមស្មើវិញនៅចុងម៉ោងវគ្គទីពីរ។ ការប្រកួតនេះ លោក Jurgen Klopp បានត្រឹមបញ្ជាពីចម្ងាយដោយសារតែកើតជំងឺកូវីដ ខណៈ Liverpool ខាតពិន្ទុ ប៉ុន្តែ City នៅតែបន្តឈ្នះ។

City ពេលនេះកំពុងនាំមុខ១០ពិន្ទុលើក្រុមលេខពីរ Chelsea និងគម្លាត១១ពិន្ទុពីក្រុមលេខបី Liverpool។ Liverpool ឈ្នះបានតែមួយប្រកួតគត់ ក្នុងចំណោម៤ប្រកួតចុងក្រោយក្នុងលីគ។

ក្រោយបញ្ចប់ការប្រកួតជាមួយ Chelsea ខ្សែការពារ Van Dijk បាននិយាយ វាគឺជាគម្លាតដ៏ធំ។ City គេមានសង្ឃឹមច្រើនឈ្នះពាន ប៉ុន្តែគ្រប់យ៉ាងនៅតែអាចកើតឡើង។ គ្រប់យ៉ាងគឺអាចទៅរួច។ Liverpool នឹងផ្ដោតលើខ្លួនឯង ហើយ Chelsea ក៏ដូចគ្នា៕

ប្រភព៖ Dailymail ប្រែសម្រួល៖ ហេង សុធារិទ្ធិ