ថ្មីទៀត! Floyd នឹងយកកន្លែងចតឧទ្ធម្ភាគចក្រលើអាកាសធ្វើជាកន្លែងប្រកួត
- 2022-01-06 08:07:20
- ចំនួនមតិ 0 | ចំនួនចែករំលែក 0
ថ្មីទៀត! Floyd នឹងយកកន្លែងចតឧទ្ធម្ភាគចក្រលើអាកាសធ្វើជាកន្លែងប្រកួត
ចន្លោះមិនឃើញ
Floyd Mayweather បានប្រកាសថា គេនឹងឡើងសង្វៀនជាថ្មីក្នុងឆ្នាំនេះដែលជាការប្រកួតបែបមិត្តភាព ហើយទីតាំងប្រកួតគឺនៅកំពូលសណ្ឋាគារក្នុងទីក្រុងឌូបៃ។
Mayweather ខកខានឡើងសង្វៀនចាប់តាំងពីថ្ងៃទី ៦ ខែ មិថុនាឆ្នាំមុន បន្ទាប់ពីប្រកួតជាមួយតារាយូធូប Logan Paul។ គេធ្លាប់និយាយថា វានឹងក្លាយជាការប្រកួតចុងក្រោយរបស់គេ។ យ៉ាងណាក្ដី ពេលនេះគេបានប្រកាសអំពីការឡើងសង្វៀនជាថ្មីនៅខែកុម្ភៈខាងមុខ ជាមួយទីតាំងប្រកួតដ៏ប្លែក។
ការប្រកួតបន្ទាប់របស់ Floyd គ្រោងរៀបចំនៅសណ្ឋាគារ Burj Al Arab ទីតាំងកន្លែងចតឧទ្ធម្ភាគចក្រលើដំបូលអគារ។ ទីតាំងនេះធ្លាប់ជាកន្លែងអ្នកប្រដាល់ទម្ងន់ធ្ងន់ Anthony Joshua យកធ្វើជាកន្លែងហ្វឹកហាត់ ហើយក៏ធ្លាប់រៀបចំការប្រកួតវាយកូនបាល់រវាងកីឡាករ Roger Federer និង Andre Agassi។
យ៉ាណាក្ដី ដៃគូប្រកួតរបស់ Floyd មិនទាន់ប្រកាសនៅឡើយទេ។ អ្នកប្រដាល់សញ្ជាតិអាមេរិកអាចនឹងមានច្រើនប្រកួតទៅមុខ ហើយគេចង់ផ្ដល់ភាពកម្សាន្តដល់អ្នកគាំទ្រ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
