ផ្ញើសារច្បាស់ៗទៅពលរដ្ឋខ្លួនឯង! Biden ថា នឹងមិនបញ្ជូនទ័ពទៅជួយទេ បើរុស្សីលុកលុយអ៊ុយក្រែន

2022-02-11 03:59:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីសហរដ្ឋអាមេរិកលោក ចូ បៃឌិន បានថ្លែងប្រាប់ទូរទស្សន៍ NBC ថា លោកនឹងមិនបញ្ជូនទ័ពទៅជួយពលរដ្ឋអាមេរិកនៅអ៊ុយក្រែនទេ ប្រសិនបើរុស្សីបើកការវាយប្រហារសន្ធាប់មកលើប្រទេសនេះ។

ថ្លែងបែបនេះ ទន្ទឹមនឹងការកើនឡើងនូវកំដៅរវាងរុស្សី និងក្រុមប្រទេសលោកខាងលិច ពិសេស ណាតូ ហើយលទ្ធភាពដែលរុស្សីអាចនឹងប្រើកម្លាំងទ័ពឈ្លានពានអ៊ុយក្រែន មានកាន់តែច្រើនឡើងៗ។ ស្ថានភាពបែបនេះ លោក ចូ បៃឌិន ជំរុញឲ្យជនភៀសខ្លួនអាមេរិកដែលកំពុងនៅក្នុងប្រទេសអ៊ុយក្រែន ប្រញាប់ចាកចេញពីប្រទេសនេះជាបន្ទាន់។

លោកថាលើកឡើងថា ការទាញកងទ័ពអាមេរិក និងរុស្សីឲ្យប្រឈមគ្នា ពិភពលោកងាយនឹងធ្លាក់ក្នុងសង្គ្រាមលោកជាថ្មី។ លោកថា "នោះគឺជាការមកដល់នៃសង្គ្រាមលោក"។

លោក ចូ បៃឌិន បន្តលើកឡើងទៀតថា "នេះមិនមែនជាការប្រឈមជាមួយនឹងអង្គការភេរវកម្មណាមួយនោះទេ ប៉ុន្តែវាជាការប្រឈមជាមួយនឹងកងទ័ពដ៏ខ្លាំងបំផុតមួយរបស់ពិភពលោក"។ លោកបន្ថែមថា "វាជាស្ថានភាព២ដែលខុសគ្នាឆ្ងាយណាស់ ហើយអ្វីៗអាចក្រឡាប់ចាក់យ៉ាងលឿនបំផុត"។

ដូច្នេះហើយលោកថា អាមេរិកមិនមានសេណារីយ៉ូ ដូចពោលខាងលើនោះទេ ហើយជាថ្មីម្ដងទៀត លោកស្នើឲ្យពលរដ្ឋអាមេរិកនៅក្នុងប្រទេសអ៊ុយក្រែន ប្រញាប់ចាកចេញពីអ៊ុយក្រែនជាបន្ទាន់៕

ប្រភព៖ Businessinsider ប្រែសម្រួល៖ ទារិកា