Mendy ស្ដាយស្ទើរបោកក្បាល ពេលឃើញ Kepa ស៊ុតបាញ់ចាប
- 2022-02-28 01:55:00
- ចំនួនមតិ 0 | ចំនួនចែករំលែក 0
Mendy ស្ដាយស្ទើរបោកក្បាល ពេលឃើញ Kepa ស៊ុតបាញ់ចាប
ចន្លោះមិនឃើញ
អ្នកចាំទី Edouard Mendy បានបង្ហាញអារម្មណ៍សោកស្ដាយជាខ្លាំង បន្ទាប់ពីឃើញមិត្តរួមក្រុម Kepa Arrizabalaga ទាត់ប៉េណាល់ទីមិនចូលក្នុងវគ្គផ្ដាច់ព្រ័ត្រ League Cup ទល់នឹង Liverpool។
Mendy វ័យ២៩ឆ្នាំត្រូវបានប្ដូរចេញពេលបញ្ចប់ម៉ោងបន្ថែម ដោយលោក Thomas Tuchel សម្រេចឲ្យ Kepa ជាអ្នកចូលចាប់បាល់ប៉េណាល់ទី។ ជារឿងភ្ញាក់ផ្អើល Kepa មិនបានសង្គ្រោះមួយបាល់សោះក្នុងចំណោមការទាត់១១ដងរបស់ Liverpool។
សម្រាប់ប្រកួតនេះ Liverpool បានដាក់អ្នកចាំទីដៃទីពីរ Caoimhin Kelleher ឲ្យចូលលេង។ ខណៈការទាត់ដល់គ្រាប់ទី១១ដូចគ្នាសម្រាប់ក្រុមទាំងពីរ Kelleher បានទាត់បញ្ចូលទីបានសម្រេច តែ Kepa បានទាត់មួយទំហឹងរំលងរបាទី ធ្វើឲ្យ Chelsea ចាញ់ Liverpool លទ្ធផល ១០-១១។
ជ័យជម្នះបានជួយឲ្យ Liverpool វ៉ា Manchester City ក្លាយជាក្រុមឈ្នះពាន League Cup ច្រើនជាងគេ ដល់ទៅ៩ដង និងរងជើងឯក៤ដង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
