ជម្រើសជាតិអាហ្វហ្គានីស្ថាន និងភ្នំពេញក្រោនរូបនេះសង្ឃឹម កម្ពុជា នឹងឈ្នះជម្រើសជាតិខ្លួន

2022-03-04 03:48:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធជម្រើសជាតិអាហ្វហ្គានីស្ថាន និងក្លឹបភ្នំពេញក្រោន Fareed Sadat បាននិយាយថា គេសង្ឃឹមកម្ពុជានឹងអាចឈ្នះក្រុមអាហ្វហ្គានីស្ថាន សម្រាប់ការប្រកួត AFC ASIAN CUP CHINA 2023។

ក្នុងពូល D ដែលមាន ហុងកុង អាហ្វហ្គានីស្ថាន កម្ពុជា និង ឥណ្ឌា ។ ខណៈកម្ពុជា នឹងត្រូវប៉ះក្រុមអាហ្វហ្គានីស្ថាន នៅថ្ងៃទី១៤ ខែមិថុនា ឆ្នាំ២០២២ នៅទឹកដីប្រទេសឥណ្ឌា ក្នុងការប្រកួតទល់ក្រុមកម្ពុជា នេះខ្សែប្រយុទ្ធ អាហ្វហ្គានីស្ថាន Fareed Sadat បាននិយាយថា «ខ្ញុំសង្ឃឹមថា កម្ពុជា នឹងអាចលេងបានល្អ ហើយកម្ពុជានឹងឈ្នះការប្រកួតមួយនេះ»។

ខ្សែប្រយុទ្ធដែលស៊ុតពីរគ្រាប់ក្នុងជំនួបទល់ វិសាខា ក្នុងប្រកួត Cambodian Super Cup រូបនេះបន្ថែមថា សម្រាប់ការកោះហៅចូលជម្រើសជាតិគេមិនទាន់ច្បាស់ថា នឹងជាប់ទៀតនោះទេ។ ប៉ុន្តែគេរំពឹងថា នឹងអាចជាប់ បើសិនរដូវកាលនេះគេអាចជួយភ្នំពេញក្រោនឲ្យឈ្នះពាន ឬក៏អាចរកបានគ្រាប់បាល់បានច្រើន។

ខ្សែប្រយុទ្ធរូបនេះភ្នំពេញក្រោន ទើបតែនាំចូលរដូវកាលនេះទេ ហើយការបង្ហាញខ្លួនការប្រកួតផ្លូវការលើកទី១របស់គេឲ្យភ្នំពេញក្រោន ត្រូវបានគេមើលឃើញថា មានភាពលេចធ្លោខ្លាំង ទាំងល្បឿន និងបច្ចេកទេសស៊ុតបញ្ចប់ទី៕