អ្នកចាស់ប៉ះអ្នកយូរ ម៉ន សាម៉េត សៀវ ង៉ុយ នរណាធ្លាក់ចេញពីខ្សែក្រវាត់អាទិត្យនេះ

2022-03-18 04:26:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតជម្រុះខ្សែក្រវាត់របស់ PNN ឈានដល់សប្ដាហ៍ទី៥ ហើយថ្ងៃអាទិត្យនេះដោយកីឡាករចាស់វស្សា ម៉ន សាម៉េត ត្រូវប៉ះជាមួយជើងខ្លាំង សៀវ ង៉ុយ ដើម្បីដណ្ដើមកៅអីទៅជុំទី២។

សាម៉េត និង សៀវ ង៉ុយ

អ្នកគាំទ្រប្រដាល់ច្បាស់ជាដឹងហើយថាអ្នកទាំងពីរខាងលើនេះសុទ្ធសឹងតែជាកីឡាករចាស់វស្សា និងប្រឡូកលើវិស័យកីឡានេះមិនក្រោម១០មកហើយទេ។ សាម៉េត គឺបង្ហាញមុខជាហូរហែតាមសង្វៀននានា យ៉ាងណាចំពោះ សៀវ ង៉ុយ បាត់ឃើញៗមិនជាជាប់លាប់នោះឡើយ។

បើទោះជាវ័យជ្រេបន្តិចក្ដីទាំង សាម៉េត និង សៀវ ង៉ុយ គឺនៅតែបង្ហាញសមត្ថភាពប្រកួតបានល្អជាពិសេសកំដរក្មេងៗជំនាន់ក្រោយពេញៗទឹកផងដែរ។ ការប៉ះគ្នារវាងទាំងពីរនេះក៏ពិបាកក្នុងការប៉ាន់ស្មានផងដែរថានរណានឹងអាចឡើងទៅជុំទី២ ព្រោះសមត្ថភាព ក្បាច់ស្នៀតប្រហាក់ប្រហែលគ្នា។

សាម៉េត ប្រកួតកន្លងទៅនៅមីយ៉ាន់ម៉ា

បញ្ជាក់ដែរការប្រកួតរវាង ម៉ន សាម៉េត និង សៀវ ង៉ុយ ធ្វើឡើងនៅថ្ងៃអាទិត្យ ទី២០ ខែមីនា ឆ្នាំ២០២២ នៅសង្វៀន PNN។ អ្នកឈ្នះបានឡើងទៅជុំទី២ វគ្គ៨នាក់ចុងក្រោយនៃកម្មវិធីខ្សែក្រវាត់ទម្ងន់ ៦០គីឡូក្រាម៕

អត្ថបទ៖ នួន ស៊ីណា