Hacker អុកឡុកបន្លំជាប៉ូលីសអ៊ីនធើណិតហេគ Apple និង Meta ស៊ែរព័ត៌មានឯកជន​របស់​អ្នកប្រើ

  • 2022-03-31 07:15:20
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមជនខិលខូចបន្លំធ្វើជាអាជ្ញាធរហេគចូល ក្រុមហ៊ុន Apple Inc.និង Meta Platforms Inc បង្ខំឲ្យពួកគេផ្ដល់ទិន្នន័យឯកជនភាពរបស់អ្នកប្រើប្រាស់។ ទិន្នន័យផ្ដល់ឱ្យនោះមានដូចជា៖ អាសយដ្ឋាន លេខទូរសព្ទ និងលេខសម្គាល់អាសយដ្ឋាន IP សឹងតែទាំងអស់។ លើសពីនេះទៀតពួកគេក៏បញ្ចេញសកម្មភាព​ (ស្ទូច Phishing) បោកបញ្ជោតដើម្បីលួចចូលទៅក្នុងគណនី Facebook និងបំណងធំគឺលួច លុយ។

ក្រុម Lapsus$
អ្នកស្រាវជ្រាវផ្នែកសន្តិសុខតាមប្រព័ន្ធអុីនធឺណិត ដាក់ការ​សង្ស័យថា ពួកជនខិលខូច​ដែលផ្ញើសំណើក្លែងបន្លំទៅ Apple និង Meta គឺជាក្រុម​អនីតិជនដែលមានទីតាំងនៅចក្រភពអង់គ្លេស និងសហរដ្ឋអាមេរិក។ ម្នាក់ក្នុងចំណោមនោះ​ត្រូវបានគេជឿថាជាមេខ្លោងនៅពីក្រោយក្រុម Hacker ឈ្មោះ [Lapsus$](https://news.sabay.com.kh/article/1321725#utm_campaign=onpage) គឺជាក្រុមវាយប្រហារតាមអឺនធើណិតថ្មីមួយទើបនឹងឮឈ្មោះកំពុងអុកឡុកពិភពលោកខ្លាំងណាស់ តាមរយៈការ​លួច​ចូល​​ទៅ​គ្រប់គ្រង source code និងបញ្ចូលមេរោគកុំព្យូទ័រប្រភេទ malware មានសមត្ថភាព​អាច​បិទ​ផ្ដាច់​រួមទាំងការ​ reset Password ក្នុងប្រព័ន្ធទាំងស្រុងបន្ទាប់ពីពួកគេលួចបាន។ ពួកគេលួចចូលក្រុមហ៊ុន Microsoft Corp., Samsung Electronics Co. និង Nvidia Corp។ ថ្មីៗនេះអាជ្ញាធរប្រទេសអង់គ្លេសបានចាប់ខ្លួនមនុស្សចំនួន ៧នាក់ពាក់ព័ន្ធនឹងក្រុមលួចចូលឈ្មោះ Lapsus$ ហើយការស៊ើបអង្កេតនេះកំពុងតែបន្ត។

ទិន្នន័យខាងលើត្រូវបានពួកជនខិលខូចយកទៅប្រើប្រាស់ដើម្បីយាយីជនរងគ្រោះ(ស្ទូច Phishing) បោកបញ្ជោតដើម្បីលួចចូលទៅក្នុងគណនីផ្សេងៗ ឬដើម្បីធ្វើការក្លែងបន្លំផ្នែកហិរញ្ញវត្ថុ។ សំណើ​ក្លែង​ក្លាយទាំងនោះបានចាប់ផ្ដើមកាលពីដើមខែមករា ឆ្នាំ២០២១ ដែលពួកគេកំណត់គោលដៅយកតែក្រុមហ៊ុនបច្ចេកវិទ្យាធំៗ។ សំណើក្លែងបន្លំខាងលើនោះត្រូវគេជឿថា ជាសារផ្ញើតាមរយៈអុីមែលរបស់ជនខិលខូច៕

ប្រែសម្រួលដោយ៖ រក្សា | ប្រភព៖ teachtactic