ឡូយណាស់៖ ខាន់ ចេសា ឈ្នះមេដាយមាស ក្នុងការប្រកួតកីឡាជឺជិតស៊ូជើងឯកថ្នាក់ជាតិនៅអាមេរិក

2022-04-12 03:42:53
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនីជឺជិតស៊ូជម្រើសជាតិកម្ពុជា ខាន់ ចេសា បានឈ្នះមេដាយមាស ក្នុងការប្រកួតកីឡាជឺជិតស៊ូជើងឯកថ្នាក់ជាតិនៅសហរដ្ឋអាមេរិក ឆ្នាំ២០២២ (2022 IBJJF Pan Championships) ។

កីឡាការិនីកម្ពុជា ខាន់ ចេសា បានយកឈ្នះលើកីឡាការិនី Thamires Diógenes de Aquino នៅវគ្គផ្ដាច់ព្រ័ត្រ លេីវិញ្ញាសាខ្សែក្រវាត់ខ្មៅផ្នែកនារី ក្នុងទីក្រុង Orlando រដ្ឋ Florida សហរដ្ឋអាមេរិកក្នុងប្រភេទទម្ងន់ ៥៣.៥គីឡូក្រាម ។ ជើងឯក Pan Jiu-Jitsu Championship គឺជាព្រឹត្តិការណ៍ប្រកួតជើងឯកជឺជីតស៊ូធំបំផុតនៅអាមេរិកខាងជើង។

ការប្រកួត 2022 IBJJF Pan Championships បានធ្វើឡើងរយៈពេល ៥ថ្ងៃ ចាប់ពីថ្ងៃទី៦ ដល់ទី១០ ខែមេសា ឆ្នាំ២០២២ ហេីយនេះជាលេីកដំបូងដែលកីឡាការិនីកម្ពុជា ដណ្តើមបានមេដាយមាស ក្នុងព្រឹត្តិការណ៍ IBJJF Pan Championships ។ ម៉្យាងទៀត នេះជាមេដាយមាសបន្ថែមសម្រាប់យុវតី ចេសា មុនចូលរួមការប្រកួតនានាឱ្យកម្ពុជាលេីឆាកអន្តរជាតិ មិនថាស៊ីហ្គេម ជេីងឯកប្រចាំទ្វីបអាស៊ី ឬកម្រិតពិភពលោក នៅពេលខាងមុខទេ ។

កាលពីឆ្នាំ២០១៨ និងឆ្នាំ២០១៩ កន្លងទៅ ចេសា ធ្លាប់បានដណ្ដើមមេដាយមាសកម្រិតទ្វីបអាស៊ី និងស៊ីហ្គេម ជូនប្រទេសកម្ពុជាផងដែរ៕