Trip ទៅអវកាសរបស់ SpaceX ទទួលភ្ញៀវបីរូបដំបូង សំបុត្រក្នុងម្នាក់ ៥៥ លានដុល្លារក៏គេហ៊ានទិញដែរ

2022-04-12 10:00:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនអវកាសឯកជន SpaceX ដែលមានលោក Elon Musk ជានាយកប្រតិបត្តិទទួលបានជោគជ័យលើ សេវាកម្មដឹកភ្ញៀវទៅអវកាស ដើម្បីទៅទស្សនកិច្ចនៅក្នុងស្ថានីយ៍អវកាសអន្តរជាតិ ISS ។ អតិថិជនបីរូបដំបូងរបស់ SpaceX ត្រូវបានដឹងថា ជាអ្នកជំនួញប្រាក់លានដុល្លារហ៊ានទិញសំបុត្រក្នុងម្នាក់តម្លៃ ៥៥ លានដុល្លារធ្វើដំណើរកម្សាន្តទៅអវកាស។

គម្រោងដ៏ពិសេសអស្ចារ្យនេះមានអតិថិជនចំនួនបីគឺលោក Mark Pathy វិនិយោគិនកាណាដា, លោក Larry Connor សហគ្រិនបច្ចេកវិទ្យាអាមេរិក, លោក Eytan Stibbe អតីតកងទ័ពអាកាសអ៊ីស្រាអែល និងលោក Michael López-Alegría អវកាសយានិក NASA ជាអ្នករួមដំណើរនៅក្នុងយាន។

ទោះបីជាយ៉ាងនេះក៏ដោយមុននឹង បុគ្គលបីរូបនោះអាចមានសិទ្ធហោះហើរទៅអវកាសនៅក្នុងយាន Falcon របស់ក្រុមហ៊ុន SpaceX តម្រូវឲ្យមានវិញ្ញាបនបត្របញ្ជាក់ពីស្ថានភាពសុខភាពល្អប្រសើរ គ្មានជំងឺប្រចាំកាយ ព្រមទាំងបានហ្វឹកហ្វឺនបំពេញគ្រប់តាមលក្ខខណ្ឌរបស់ SpaceX ដែលជាកិច្ចសហការជាមួយនឹង NASA ។ យោងតាមប្រភពសារព័ត៌មានផ្សាយថា ទស្សនកិច្ចជាប្រវត្តិសាស្រ្តនេះមានរយៈពេលស្នាក់នៅចំនួនមួយសប្ដាហ៍នៅលើស្ថានីយអវកាសអន្តរជាតិ ខណៈដែលកាលបរិច្ឆេទរបស់យាននឹងត្រូវចាកចេញពីគន្លងតារាវិថីមកកាន់ផែនដីឆាប់ៗនេះ។

រំឮកផងដែរថា គម្រោងបើកទទួលភ្ញៀវធ្វើដំណើកម្សាន្តទៅអវកាស មានក្រុមហ៊ុនឯកជនចំនួនបួនដែលជោគជ័យក្នុងការបញ្ជូនមនុស្សជាតិ រួមមានក្រុមហ៊ុន Blue Origin របស់លោក Jeff Bezos និងក្រុមហ៊ុន Virgin Galactic របស់លោក Richard Branson, មហាសេដ្ឋីជប៉ុនលោក Yusaku Maezawa និងជំនួយការ Hirano ធ្លាប់ធ្វើដំណើកម្សាន្តទៅចំនួន១២ ថ្ងៃនិងក្រុមហ៊ុនឯកជនចុងក្រោយគឺ SpaceX នេះឯង៕