ឡៅ ចន្ទ្រា ឡៅ ចិត្រា មិនមានឈ្មោះចេញទៅប្រកួតស៊ីហ្គេម ២០២២ នេះទេ

2022-04-20 08:10:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតស៊ីហ្គេម លើកទី៣១ ឯប្រទេសវៀតណាម អំឡុងខែក្រោយនេះកាន់តែជិតមកដល់ហើយ យ៉ាងណាប្រភេទកីឡាគុនខ្មែរលើកនេះគឺមិនមានឈ្មោះ ឡៅ ចន្ទ្រា និង ឡៅ ចិត្រា នោះទេដោយសារគ្មានប្រភេទទម្ងន់ ឬវិញ្ញាសារបស់ពួកគេ។

កីឡាករ ឡៅ ចន្ទ្រា

នេះបើតាមការឲ្យដឹងពីមន្ត្រីសហព័ន្ធនាពេលកន្លងទៅ សម្រាប់ស៊ីហ្គេម ឆ្នាំនេះ ២០២២ គឺមិនមានឈ្មោះត្រកូល ឡៅ រួមមាន ចន្ទ្រា ចិត្រា ប្រកួតនោះទេ បើទោះជាពួកគេជាប់ជម្រើសជាតិ និងប្រមូលផ្ដុំហ្វឹកហាត់បច្ចុប្បន្ននេះក៏ដោយ។ មូលហេតុនេះដែរគឺជើងខ្លាំងរបស់កម្ពុជាទាំង២រូបនេះមិនមានប្រភេទទម្ងន់របស់ពួកគេ ដូច្នេះទើបមិនបានចេញទៅ។

កីឡាករ ឡៅ ចិត្រា

បញ្ជាក់ដែរថា សហព័ន្ធប្រដាល់គុនខ្មែរនឹងបញ្ជូនកីឡាករ កីឡាការិនីសរុប ៩នាក់ដើម្បីប្រជែងមេដាយ ស៊ីហ្គេម លើកទី៣១ ឯប្រទេសវៀតណាម។ នេះឈ្មោះទាំង៩នាក់នេះ ១. ឆា ចាន់ដេង ២. ម៉ឺយ ស៊ីង ៣. ទួន ស្រីភីន ៤. សំ សំណាង ៥. សុខ រិទ្ធ ៦. វ៉ាន់ វឿន ៨. ឃុន បូរ៉ា ឬ ឃឹម បូរ៉ា ៩. ប៉ោ ភារិទ្ធ ឬ យ៉េន ឌីណា ៩. រុំ សំណាង ឬ ព្រំ សំណាង៕