ឧកញ៉ា ប៉ែន កាក់ ឧបត្ថម្ភថវិកាក្រុមប្រដាល់ Kick Boxing និងគុនខ្មែរត្រៀមទៅ ស៊ីហ្គេម

2022-05-02 06:59:28
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកឧកញ៉ា ប៉ែន កាក់ ចំណាយថវិកាផ្ទាល់ខ្លួន ១៦០០ដុល្លារឧបត្ថម្ភដល់ក្រុមកីឡាករ កីឡាការិនីផ្នែក Kick Boxing និងគុនខ្មែរចំនួន ២៦នាក់ដើម្បីជាការលើកទឹកចិត្តត្រៀមប្រកួតរកមេដាយជូនជាតិមាតុភូមិនៅស៊ីហ្គេម ២០២២ នេះ។

លោកឧកញ៉ា ប៉ែន កាក់

នេះបើតាមការបង្ហោះលើហ្វេសបុកផេក សេន ប៊ុនថេន មុននេះបានបញ្ជាក់ថា លោកឧកញ៉ា ប៉ែន កាក់ ដែលជាអនុប្រធានសហព័ន្ធគុនខ្មែរ និង Kick Boxing បានឧបត្ថម្ភថវិកាក្នុងម្នាក់ៗ ៦០ដុល្លារ ដល់ក្រុមកីឡាករ កីឡាការិនីទាំង២៦នាក់ត្រៀមចេញទៅប្រកួតស៊ីហ្គេម ឯប្រទេសវៀតណាម។ ថវិកាសរុបទាំងអស់គឺ ១៦០០ដុល្លារ នេះគឺជាការលើកទឹកចិត្តមួយទៀតដល់ក្រុមអត្តពលិកកម្ពុជាឲ្យរឹតតែមានចិត្តមោះមុតកាន់តែខ្លាំងក្នុងការដណ្ដើមមេដាយជូនជាតិ។

ទិដ្ឋភាពប្រគល់ថវិកា(រូបភាព ប៊ុនថេន)

រំលឹកដែរថា នៅស៊ីហ្គេម វៀតណាម ឆ្នាំ២០២២ នាពាក់កណ្ដាលខែឧសភា នេះកម្ពុជានឹងបញ្ជូន ៣៣ប្រភេទកីឡា និងត្រូវជាជាង ៥០០អត្តពលិកចូលរួម។ យ៉ាងណាប្រភេទកីឡា Kick Boxing និងគុនខ្មែរក៏ត្រូវបានបញ្ជូនទៅផងដែរ៕