តារាចម្រៀងស្រីរបស់ផលិតកម្មរស្មីហង្សមាស សួស វីហ្សា បដិសេធថាខ្លួន និងស្វាមីមិនដែលស្គាល់ក្រុមជនសង្ស័យដែលបន្លំខ្លួនធ្វើជាមន្ដ្រីពន្ធដារនោះទេ ហើយស្នើឲ្យថ្នាក់ដឹកនាំ នៃអគ្គនាយដ្ឋានពន្ធដារដករូបនាងចេញពីក្រុមទាំងនោះ បើមិនដូច្នោះទេអ្នកនាងចេញមុខLive និយាយរឿងនេះរហូត។

ការដែលលេចមុខនាង និងស្វាមីនៅកណ្ដាលចំណោមជនសង្ស័យ ត្រូវបាន សួស វីហ្សា បកស្រាយថា រូបនាង និងស្វាមី បានទៅអង្គុយហូបគុយទាវនៅហាងមួយ ក្បែរព្រលានយន្ដហោះពោធិ៍ចិនតុង ហើយក៏លេចមុខក្រុមនោះមកសុំនាងថតជាមួយ ដោយនិយាយថា នាង និងស្វាមី គឺជាIdol របស់ពួកគេ ហើយនាងក៏យល់ព្រមឲ្យថតជាមួយ។ ដោយទីតាំងចង្អៀត ហើយមនុស្សច្រើន ក្រុមនោះក៏បានស្នើឲ្យរូបនាង និងស្វាមីឈរនៅចំកណ្ដាលពួកគេ ដើម្បីថតទុកជាអនុស្សាវរីយ៍តែម្ដងទៅ។

តារាស្រីរូបនេះ យល់ថា បើខាងអគ្គនាយកដ្ឋានពន្ធដារ មិនព្រមលប់រូបនេះចេញពីក្រុមជនសង្ស័យនោះទេ អាចធ្វើឲ្យមហាជន ជាពិសេសអ្នកគាំទ្រនាងយល់ច្រឡំ ដោយគិតថារូបនាង និងស្វាមីជាបក្សពួកជនសង្ស័យដែរ។ ប៉ុន្ដែតាមពិតទៅនាង និងស្វាមីមិនស្គាល់ជនទាំងនោះសោះ ហើយបើគេថាIdol ទៅហើយរូបនាងជាមនុស្សរបស់មហាជនទៀត បើមិនឲ្យគេថតជាមួយទៅក្លាយគេថាវាយរឹក ហើយពេលខ្លះអនុញ្ញាតឲ្យថតជាមួយទៅអាចមានរឿងដូចជាករណីនេះជាដើម។

សូមរំលឹក​ថា អគ្គនាយកដ្ឋានពន្ធដារ នៃក្រសួងសេដ្ឋកិច្ច និង​ហិរញ្ញវត្ថុ បាន​បង្ហាញ​មុខជនសង្ស័យ​ដែល​បន្លំ​ខ្លួន​ជា​មន្ដ្រី​ពន្ធដារ ដើម្បី​ប្រព្រឹត្ដបទល្មើស​តាម​ខេត្ដ​ជា​ច្រើន ហើយ​សមត្ថកិច្ច​ទើប​វែកមុខ។ សូមអានសេចក្ដីជូនដំណឹងពិស្ដាររបស់អគ្គនាយកដ្ឋានពន្ធដារ៖