រឿងរបស់ ខាន់ ចេសា នៅស៊ីហ្គេមជាមេរៀនសំខាន់ដល់កីឡាករ កីឡាការិនីខ្មែររាប់រយនាក់ទៀត

2022-05-30 07:04:29
ចំនួនមតិ 0 | ចំនួនចែករំលែក 0

ចន្លោះមិនឃើញ

អគ្គលេខាធិការ NOCC រឿងថ្លោះធ្លោយអំពីបញ្ហាទម្ងន់របស់កីឡាការិនី ខាន់ ចេសា នៅស៊ីហ្គេមវៀតណាមនេះគឺជាមេរៀនមួយដ៏សំខាន់ដល់ក្រុមកីឡាករ កីឡាការិនីខ្មែររាប់រយនាក់ទៀតសម្រាប់ព្រឹត្តិការណ៍ធំៗ។

ឯកឧត្ដម វ៉ាត់ ចំរើន

ឯកឧត្ដម វ៉ាត់ ចំរើន បានឲ្យដឹងថា រឿងថ្លោះធ្លោយអំពីបញ្ហាទម្ងន់មិនអាចចូលប្រកួតរបស់ ខាន់ ចេសា លើប្រភេទកីឡាជឺជីតស៊ូនៅស៊ីហ្គេមនេះ ជាមេរៀនមួយសម្រាប់គ្រូបង្វឹក កីឡាករ កីឡាការិនីត្រូវជៀសវាងឲ្យបាននៅលើកក្រោយៗទៀត។

នាយបេសកកម្មនៃព្រឹត្តិការណ៍ស៊ីហ្គេមខាងលើបន្ថែមទៀតថា បញ្ហាតូចមួយប៉ុន្តែវាធ្វើឲ្យខកការណ៍ធំជាពិសេសដែលខ្លួនជាក្ដីសង្ឃឹមមេដាយសម្រាប់កម្ពុជាទៅទៀត។ ដូច្នេះនេះជាមេរៀនមួយចំពោះក្រុមគ្រូបង្វឹក កីឡាករ កីឡាការិនីត្រូវចងចាំ និងប្រុងប្រយ័ត្នបំផុងនៅព្រឹត្តិការណ៍ក្រោយៗទៀត។

កីឡាការិនី ខាន់ ចេសា

រំលឹកដែរថា កីឡាការិនីជើងខ្លាំងរបស់កម្ពុជា ខាន់ ចេសា ដែលជាម្ចាស់មេដាយមាសកីឡាអាស៊ី ២០១៨ និងម្ចាស់មេដាយមាស ស៊ីហ្គេម ២០១៩ គឺមិនបានប្រកួតកីឡាជឺជីតស៊ូនោះទេក្នុងព្រឹត្តិការណ៍ស៊ីហ្គេមវៀតណាមទើបបញ្ចប់ថ្មីៗនេះ។ ការខកខាននេះគឺដោយសាររូបគេលើសទម្ងន់ ២៤០ក្រាមដែលខុសពីទម្ងន់កំណត់ត្រូវលេង ៤៨គីឡូក្រាមគត់៕

វីដេអូ៖

អត្ថបទ៖ នួន ស៊ីណា