កីឡាករ ថៃ រិទ្ធី និយាយបែបនេះក្រោយឈ្នះថៃ ទទួលប្រាក់ឧបត្ថម្ភបន្ថែម

2022-06-13 06:56:30
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងកណ្ដាប់ដៃមកពីក្រសួងការពារជាតិ ថៃ រិទ្ធី ថាពីទឹក១ ដល់ទឹក៣ ខ្លួនព្យាយាមវ៉ៃបានច្រើន ប៉ុន្តែដៃគូល្អស្នៀតទាត់កាត់។

កីឡាករ ថៃ រិទ្ធី (ក្រហម)

រិទ្ធី បានឲ្យដឹងថា កីឡាករថៃ ផ្លាំងនុម រូបនេះគឺល្អស្នៀតឆ្កឹះជើងមុខ និងទាត់កាត់។ នៅពេលដែលខ្លួនត្រៀមចេញដៃ កីឡាករថៃចាំឆ្កឹះជើងជាហេតុពិបាកក្នុងការវ៉ៃចេញបានធ្ងន់។ បើទោះជាលំបាកបន្តិចមែន ប៉ុន្តែរូបគេនៅតែព្យាយាមវ៉ៃចេញរហូតតាំងពីទឹក១ ជាពិសេសសំដៅលើមុខតែម្ដងព្រោះបានពិន្ទុពេញ។ ទាំងម៉ាត់ និងទាត់ កូនសិស្សលោក ធន់ សុភា រូបនេះមើលឃើញខ្លួនឯងវ៉ៃបានច្រើន។

កីឡាករ ថៃ រិទ្ធី (ក្រហម)

រំលឹកដែរថា ការប្រកួតមិត្តភាពអន្តរជាតិកាលពីល្ងាចថ្ងៃសៅរ៍ ទី១១ ខែមិថុនា ២០២២ នេះកីឡាករ ថៃ រិទ្ធី បានយកឈ្នះពិន្ទុលើអ្នកលេងគុនថៃ ផ្លាំងនុម និងទទួលបានប្រាក់រង្វាន់លើកទឹកចិត្ត ៦០ម៉ឺនរៀលបន្ថែម៕