ទៀតហើយ! Floyd នឹងប្រកួតនៅអាស៊ីជាមួយកីឡាករម្នាក់ដែលមិនសូវមានអ្នកស្គាល់

2022-06-14 07:39:06
ចំនួនមតិ 0 | ចំនួនចែករំលែក 0

ចន្លោះមិនឃើញ

Floyd Mayweather បានប្រកាសថា គេនឹងប្រកួតជាមួយកីឡាករគុនចម្រុះ Mikuru Asakura នៅប្រទេសជប៉ុនដែលជាការប្រកួតមិត្តភាពក្នុងខែកញ្ញាខាងមុខ។

អ្នកចាត់ការរបស់ Manny Pacquiao បាននិយាយកាលពីសប្ដាហ៍មុនថា Manny ចង់សងសឹកជាមួយ Floyd បន្ទាប់ពីធ្លាប់ប៉ះគ្នានៅ MGM Grand ក្នុងរដ្ឋ Las Vegas កាលពីឆ្នាំ២០១៥។ ប៉ុន្តែស្រាប់តែពេលនេះបានលេចព័ត៌មាន កីឡាករជប៉ុនដែលមិនសូវមានអ្នកស្គាល់ Asakura គឺជាដៃគូរបស់ Floyd ក្នុងពេលខាងមុខ។

ពេលវេលានិងទីតាំងប្រកួតគ្រោងនឹងប្រកាសនៅចុងខែមិថុនាឆាប់ៗនេះ។ ការប្រកាសនេះកើតឡើង បន្ទាប់ពី Mayweather ដែលចូលនិវត្តន៍ពីអាជីពប្រដាល់កាលពីឆ្នាំ២០១៧ បានប្រកួតជាមួយ Don Moore ក្នុងទីក្រុងអាប៊ូដាប៊ីកាលពីខែមុន។ Asakura វ័យ២៩ឆ្នាំដែលជាដៃគូរបស់ Floyd គ្មានបទពិសោធន៍ប្រកួតប្រដាល់សកលឡើយ ខណៈកំណត់ត្រា MMA ឈ្នះ១៦ ចាញ់៣៕

ប្រភព៖ Dailymail ប្រែសម្រួល៖ ហេង សុធារិទ្ធិ