សៀវ ង៉ុយ៖ ឈានមកដល់វគ្គនេះហើយអត់មានអ្វីត្រូវខ្លាចនរណានោះទេ...

2022-06-16 03:24:02
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរចាស់វស្សា សៀវ ង៉ុយ បញ្ជាក់ថាឈានដល់វគ្គផ្ដាច់ព្រ័ត្របែបនេះហើយគឺគ្មានអ្វីត្រូវខ្លាចដៃគូនោះឡើយ ព្រោះចាញ់ឈ្នះគ្មានទៅវគ្គណាទៀតផងហ្នឹង។

សៀវ ង៉ុយ និង លាភ រដ្ឋា

សៀវ ង៉ុយ លើកឡើងក្នុងកិច្ចសម្ភាសមួយថា ទទួលស្គាល់អ្នកប្រដាល់ជំនាន់ក្រោយគឺល្អៗច្រើន ជាពិសេសកម្លាំងស៊ុហ្វតែម្ដង។ ចំពោះសមត្ថភាព រិន ដេវីត វិញគឺល្អក្បាច់ វ៉ៃចេញចូលលឿន និងស៊ុហ្វល្អទៀតផង។

បើនិយាយថាខ្លាចដៃគូទេវគ្គផ្ដាច់ព្រ័ត្រនេះ សៀវ ង៉ុយ ឆ្លើយយ៉ាងលឿនថាមិនបានខ្លាចញញើតអ្វីនោះឡើយ និងដាក់ក្ដីសង្ឃឹមខ្ពស់រហូត ៧០-៨០% ទទួលបានជ័យជម្នះទៀតផង។ អ្វីដែល សៀវ ង៉ុយ បារម្ភនោះគឺកម្លាំងស៊ុហ្វមួយប៉ុណ្ណោះ ចំពោះក្បាច់ស្នៀតខ្លួនមានហើយ និងព្យាយាមបំបែកក្បាច់ រិត ដេវីត ផងដែរ។

សៀវ ង៉ុយ ឈ្នះ លាភ រដ្ឋា

រំលឹកដែរថា សៀវ ង៉ុយ បានយកឈ្នះពិន្ទុលើ លាភ រដ្ឋា កាលពីថ្ងៃអាទិត្យ ទី១២ មិថុនា ២០២២ បានឡើងទៅវគ្គផ្ដាច់ព្រ័ត្រខ្សែក្រវាត់ One Strike របស់សង្វៀន PNN។ សៀវ ង៉ុយ ត្រូវប៉ះ រិន ដេវីត ដណ្ដើមខ្សែក្រវាត់ អមដោយទឹកប្រាក់១ម៉ឺនដុល្លារនៅ២សប្ដាហ៍ខាងមុខ៕

អត្ថបទ៖ នួន ស៊ីណា