អ៊ុយក្រែន អាចចូលជាសមាជិកសហគមន៍អឺរ៉ុប ទេ? ពេលនេះ ដឹងចម្លើយកាន់តែច្បាស់ហើយ!
- 2022-06-23 02:22:58
- ចំនួនមតិ 0 | ចំនួនចែករំលែក 0
អ៊ុយក្រែន អាចចូលជាសមាជិកសហគមន៍អឺរ៉ុប ទេ? ពេលនេះ ដឹងចម្លើយកាន់តែច្បាស់ហើយ!
ចន្លោះមិនឃើញ
អ៊ុយក្រែន នឹងត្រូវអនុម័តជាបេក្ខភាពសហភាពអឺរ៉ុបនៅក្នុងកិច្ចប្រជុំកំពូលក្រុងប្រ៊ុចសែល បន្ទាប់ពីគណៈកម្មការអឺរ៉ុបបានផ្តល់ភ្លើងខៀវ។
អ៊ុយក្រែនបានស្នើសុំចូលជាសមាជិកសហគមន៍អឺរ៉ុប (EU) ប៉ុន្មានថ្ងៃបន្ទាប់ពីការលុកលុយរបស់រុស្ស៊ីក្នុងខែកុម្ភៈ ហើយដំណើរការបានប្រព្រឹត្តទៅតាមដំណាក់កាល។ ឯកអគ្គរដ្ឋទូតរបស់អ៊ុយក្រែនប្រចាំសហភាពអឺរ៉ុបបានប្រាប់សារព័ត៍មាន BBC ថាការអនុម័តជាបេក្ខភាពនេះ ជាការជំរុញលើកទឹកចិត្តសម្រាប់ប្រជាជនអ៊ុយក្រែន។
អ្នកការទូតសហភាពអឺរ៉ុបមួយចំនួនពីមុនបានសម្តែងការព្រួយបារម្ភថាការផ្តល់ឋានៈបេក្ខភាពអាចផ្តល់ក្តីសង្ឃឹមខ្លាំងដល់អ៊ុយក្រែន ខ្លាំងរហូតអាចធ្វើឱ្យប្រទេសនេះខកចិត្តវិញ ប្រសិនការសុំចូលជាសមាជិកមិនទទួលបានជោគជ័យ។
ប្រធានាធិបតីបារាំងលោក Emmanuel Macron បាននិយាយកាលពីខែឧសភាថា ការរំពឹងទុកនៃការទទួលបានសមាជិកភាពគឺនៅឆ្ងាយនៅឡើយ ហើយអគ្គលេខាធិការអង្គការណាតូបានព្រមានផងដែរថាជម្លោះរវាងរុស្សី-អ៊ុយក្រែន អាចនឹងអូសបន្លាយពេលច្រើនឆ្នាំ៕