Sterling យល់ព្រមចាកចេញពី City ទៅចូលរួមជាមួយ Chelsea ហើយ

2022-07-07 02:10:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើប្រយុទ្ធរបស់ Manchester City កីឡាករ Raheem Sterling បានយល់ព្រមលក្ខខណ្ឌផ្ទាល់ខ្លួនដើម្បីទៅចូលរួមជាមួយ Chelsea ហើយ។

កីឡាករវ័យ២៧ឆ្នាំនៅសល់កុងត្រាមួយឆ្នាំទៀតនៅ City និងមានការចាប់អារម្មណ៍ជាច្រើនពីក្លឹបធំៗនៅក្រៅប្រទេស។ City បានទិញ Sterling ពី Liverpool ក្នុងតម្លៃខ្លួន៤៩លានផោនកាលពីឆ្នាំ២០១៥ ហើយគេរកបាន១៣១ក្នុងការបង្ហាញខ្លួន៣៣៩ប្រកួត។

កិច្ចព្រមព្រៀងផ្ទេរទៅកាន់ Chelsea សម្រាប់ Sterling អាចនឹងបញ្ចប់ក្នុងពេលឆាប់ៗខាងមុខ។ ហើយគេនឹងក្លាយជាកីឡាករឆ្នើមដំបូងដែលតោខៀវទិញបានក្រោមការដឹកនាំរបស់ប្រធានក្លឹបថ្មី Todd Boehly។ ការផ្ទេរត្រូវបានគេរំពឹងនឹងរួចរាល់ មុនពេល Chelsea ហោះទៅអាមេរិកដើម្បីប្រកួតមិត្តភាពកម្ដៅសាច់ដុំត្រៀមរដូវកាលថ្មី។

បើតាមការចរចាគ្នារវាង Chelsea និង City តម្លៃខ្លួនរបស់ Sterling ស្ថិតក្នុងរង្វង់៤៥លានផោន។ ក្លឹបធំៗជាច្រើនដូចជា Barcelona, Real Madrid និង Bayern Munich សុទ្ធសឹងតែដាក់ការចាប់អារម្មណ៍លើកីឡាករសញ្ជាតិអង់គ្លេស៕

ប្រភព៖ BBC ប្រែសម្រួល៖ ហេង សុធារិទ្ធិ