សប្បាយចិត្តទៅបងប្អូន! ប្រេងសាំងបន្តចុះមកខ្ទង់ ៤ ០០០រៀលវិញហើយ

2022-07-21 04:18:55
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីថយចុះបន្តិចកាលពីដើមខែ ឥឡូវនេះតម្លៃប្រេងសាំងនៅកម្ពុជាបានបន្តចុះថ្លៃទៀតហើយ ដោយមកនៅត្រឹមខ្ទង់ ៤ ០០០រៀលប៉ុណ្ណោះក្នុងមួយលីត្រ។ នេះបើតាមការជូនដំណឹងរបស់ក្រសួងពាណិជ្ជកម្ម ស្ដីពីថ្លៃលក់រាយប្រេងឥន្ធនៈនៅតាមស្ថានីយ។

តាមសេចក្ដីជូនដំណឹងលេខ ២០៧៨ ព.ណ អ.វ.ឯ បានឲ្យដឹងថា ផ្អែកតាមតម្លៃមធ្យមប្រេងឥន្ធនៈលើទីផ្សារអន្តរជាតិ ថ្លៃលក់រាយប្រេងឥន្ធនៈពីថ្ងៃទី ២១ ដល់ ៣១ កក្កដា ២០២២ នឹងត្រូវលក់ក្នុងតម្លៃ ៥.០៦៦រៀលក្នុង១លីត្រ សម្រាប់សាំងធម្មតា EA92 និង៥.៥៦៦រៀលក្នុង១លីត្រសម្រាប់ប្រេងម៉ាស៊ូត DO 50ppm។

ប៉ុន្តែដើម្បីជួយសម្រួលដល់ជីវភាពប្រជាពលរដ្ឋ និងដោយមានការរួមចំណែកពីក្រុមហ៊ុនចែកចាយប្េងឥន្ធនៈនៅកម្ពុជាចំនួន ៦.៥សេនដុល្លារក្នុង១លីត្រ។ ដូច្នេះចាប់ពីថ្ងៃនេះដល់ថ្ងៃទី ៣១កក្កដា នឹងត្រូវចុះមកត្រឹម ៤ ៨០០រៀលក្នុង១លីត្រ សម្រាប់សាំងធម្មតា EA92 និង៥.៣០០រៀលក្នុង១លីត្រសម្រាប់ប្រេងម៉ាស៊ូត DO 50ppm៕