មួយប្រកួតចុងក្រោយរបស់ អេលីត សាន់ ប្រាក់តម្លៃខ្លួន និងការលើកទឹកចិត្តបានច្រើនក្រែល

2022-09-22 04:37:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតចុងក្រោយរបស់កីឡាករ អេលីត សាន់ នៅសង្វៀន PNN កាលពីថ្ងៃអាទិត្យ ទី១៨ ខែកញ្ញា ២០២២ នេះបានផ្ដួលជើងខ្លាំងថៃឲ្យសន្លប់នៅទឹក២ ទទួលបានប្រាក់រង្វាន់លើកទឹក១លានរៀលបន្ថែមទៀតបូកពីលើតម្លៃខ្លួន។

អេលីត សាន់ និងថៃ

នេះបើតាមការលើកឡើងរបស់លោក ស៊ន អេលីត គ្រូរបស់ អេលីត សាន់ ថាមួយប្រកួតចុងក្រោយនៅសង្វៀន PNN សិស្សរបស់ខ្លួនទទួលបានតម្លៃខ្លួន ៤០០ដុល្លារ ប៉ុន្តែបើបូក និងប្រាក់រង្វាន់លើកទឹកចិត្តផ្ដួលដៃគួឲ្យសន្លប់គឺបាន១លានរៀលបន្ថែមទៀតសរុបទៅបានប្រហែល ៦៥០ដុល្លារឯណោះ។

គ្រូប្រដាល់រូបនេះក៏បានសរសើរពីសមត្ថភាពរបស់ អេលីត សាន់ ផងដែរមួយរយៈពេលនេះគឺកើនឡើងគួរឲ្យកត់សម្គាល់ផងដែរ។ ទាំងការហ្វឹកហាត់ និងការប្រកួតគឺខំប្រឹងប្រែងល្អ។

កីឡាករថៃ ពេលសន្លប់

រំលឹកដែរថា ការប្រកួតចុងក្រោយរបស់ អេលីត សាន់ ធ្វើឡើងកាលពីថ្ងៃអាទិត្យ ទី១៨ ខែកញ្ញា ២០២២ នៅសង្វៀន PNN ដោយផ្ដួលកីឡាករថៃ ភិតចៅប្រាក់យ៉ា ប៉ស៊ិរិភុង ឲ្យសន្លប់ក្នុងទឹក២៕

អត្ថបទ៖ នួន ស៊ីណា