ប្រេស៊ីលជាក្រុមឈ្នះពាន World Cup ច្រើនជាងគេបំផុតក្នុងប្រវត្តិសាស្ត្រ

2022-10-28 00:01:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេស

ជម្រើសជាតិប្រេស៊ីលជាក្រុមបាល់ទាត់ដែលធ្លាប់លើកពាន World Cup ច្រើនជាងគេបំផុតក្នុងប្រវត្តិសាស្ត្រ ពោលដល់ទៅ៥ដងឯណោះ ដែលមិនទាន់មានប្រទេសណាមួយធ្វើដូចនៅឡើយទេ។

សហព័ន្ធ

ក្រុមរហស្សនាម “សាំបា” ធ្វើបានកំណត់ត្រាល្អមែនទែនក្នុងវគ្គជម្រុះ World Cup នៃតំបន់អាមេរិកខាងត្បូង (Conmebol)។ ពួកគេដណ្ដើមបានតំណែងកំពូលតារាងក្នុងចំណោមក្រុមទាំង១០។ ឆ្លងកាត់១៧ប្រកួតប្រេស៊ីលមិនស្គាល់រសជាតិចាញ់សោះ ដោយឈ្នះ១៤និងស្មើ៣ប្រកួត ធ្វើឲ្យពួកគេបានមកប្រជែងក្នុងប្រទេសកាតា។

ប្រវត្តិក្នុង World Cup

ប្រេស៊ីលត្រូវបានគេកត់ត្រាជាក្រុមបាល់ទាត់ជោគជ័យបំផុតក្នុងព្រឹត្តិការណ៍បាល់ទាត់ពិភពលោក ដោយធ្លាប់គ្រងពានចំនួន៥ដង។ ពួកគេបានឈ្នះនៅឆ្នាំ១៩៥៨, ១៩៦២, ១៩៧០, ១៩៩៤ និងចុងក្រោយឆ្នាំ២០០២ ដែលកាលនោះជប៉ុននិងកូរ៉េខាងត្បូងសហការគ្នារៀបចំធ្វើជាម្ចាស់ផ្ទះ។

កីឡាករសំខាន់របស់ក្រុម

ក្នុងក្រុមជម្រើសជាតិប្រេស៊ីល Neymar គឺជាតួសំខាន់បំផុតមួយការនាំបាល់លេង និងរកគ្រាប់បាល់។ ក្នុងវ័យ៣០ឆ្នាំ កីឡាកររបស់ក្លឹប PSG លេងបាន១២១ប្រកួតនិងរកបាន៧៥គ្រាប់ហើយឲ្យប្រេស៊ីល។ គេកំពុងឈរជាកីឡាកររកបានគ្រាប់បាល់ច្រើនជាងគេលំដាប់ទីពីរក្នុងក្រុមជម្រើសជាតិ ក្រោមលោក Pele ដែលមាន៧៧គ្រាប់។

ឯកសណ្ឋាន

មិនខុសពីឆ្នាំមុនៗឡើយ ប្រេស៊ីលបានចេញអាវក្នុងដីពណ៌លឿងនិងក្រៅដីពណ៌ខៀវ។ អាវក្នុងដីពណ៌លឿងផលិតឡើងផ្អែកលើគំរូ World Cup ២០២២ រដូវកាល២២-២៣ របស់ក្រុមហ៊ុន Nike ដែលគ្រប់គ្នាបានឃើញកន្លងរួចទៅហើយជាមួយក្លិបអាជីពមួយចំនួនដូចជា Chelsea ជាដើម។ កអាវរបស់វាមានរាងមូលពណ៌បៃតងលាយឆ្នូតខៀវ។ ចំណែកឯអាវក្រៅដីពណ៌ខៀវច្នៃបែបកមូលធម្មតា និងផ្នែកដៃលាយពណ៌បៃតងភ្លឺ៕