ធ្លាប់ដឹងអត់ ថា DJ មានប្រភពតាំងពីឆ្នាំណា និងមានប៉ុន្មានប្រភេទ?

  • 2023-03-21 04:40:39
  • ចំនួនមតិ 0 | ចំនួនចែករំលែក 0

ចន្លោះមិនឃើញ

Disc Jockey គឺជាពាក្យពេញរបស់ DJ ហើយសំដៅទៅលើ​យុវវ័យក្មេងៗ ដែលចាក់បទភ្លេងដោយប្រើដៃជាជំនួយក្នុងការទប់។ តួនាទីរបស់ឌីជេ គឺជាអ្នកសំដែងដែលបង្កើតបរិយាកាសរីករាយ ឲ្យកាន់តែអធិកអធម ក្នុងការលាយបញ្ចូលគ្នានៃតន្ត្រីឲ្យមានភាពអស្ចារ្យ សម្រាប់ពិធីជប់លៀងនានា ដែលមានការរាំ ឬ បរិយាកាសក្នុងក្លឹប។ នៅឆ្នាំ ១៩៣៥ អ្នកអត្ថាធិប្បាយវិទ្យុអាមេរិកលោក Walter Winchell បានបង្កើតពាក្យ "Disc Jockey"

ក្នុងឆ្នាំ ១៩៤៣ DJ វិទ្យុ Jimmy Savile បាន​ចាប់ផ្តើមពិធីជប់លៀងរាំឌីជេដំបូងបង្អស់របស់ពិភពលោកដោយការលេងបទភ្លេងចង្វាក់ jazz នៅក្នុងបន្ទប់។ នៅឆ្នាំ ១៩៤៧ លោកអះអាងថា ខ្លួនបានក្លាយជាឌីជេដំបូងគេដែលប្រើឧបករណ៍បង្វិលភ្លោះសម្រាប់ការលេងជាបន្តបន្ទាប់ ហើយនៅឆ្នាំ ១៩៥៨ លោកក៏បានក្លាយជាឌីជេវិទ្យុនៅវិទ្យុមួយ។ ក្នុងឆ្នាំ ១៩៤៧ ផងដែរ ក្លឹបរាត្រី Whiskey à Go-Go បានបើកនៅទីក្រុងប៉ារីស ប្រទេសបារាំង ដែលត្រូវបានគេចាត់ទុកថាជាឌីស្កូ ឬឌីស្កូពាណិជ្ជកម្មដំបូងគេរបស់ពិភពលោក។

DJ ចែកចេញជាច្រើនប្រភេទរួមមាន៖

- Club DJ : DJ ដែលចាក់ភ្លេងក្នុងក្លឹប ឬក្នុងកម្មវិធីជួបជុំណាមួយ ជាមួយនឹងតិកនិចក្នុងការ Mix បទចម្រៀង និងចាក់ភ្លេងទៅតាម Flow បទចម្រៀងដោយគ្មានដែនបញ្ចប់។

- Hip Hop DJ : សំដៅដល់អ្នកយល់ដឹងស៊ីជម្រៅបំផុតក្នុងវិស័យបទចម្រៀង Hip Hop ហើយការងាររបស់ពួកគេ គឺ​បង្កើតបទភ្លេង ជាមួយនឹង Style ទាន់សម័យពី Hip Hop។

- Radio DJ :សំដៅដល់អ្នកដែលអត្ថាធិប្បាយ និងចាក់បទបទចម្រៀងនៅស្ថានីយ៍វិទ្យុ AM, FM, ឬបណ្ដាញអ៊ីនធឺណិត។

- Dancehall/reggae deejays : តន្ត្រី Dancehall គឺជាប្រភេទតន្ត្រីប្រជាប្រិយទីក្រុងដែលចេញមកពីប្រទេសហ្សាម៉ាអ៊ីកនៅពាក់កណ្តាលដល់ចុងទស្សវត្សឆ្នាំ ១៩៧០ និងមានរ៉េបផងដែរ។ ដូច្នេះ ទម្រង់នៃ Deejay គឺត្រូវមានការរ៉េប អមជាមួយនឹង​ចង្វាក់ប្រភេទ Riddim

- Turntablists : រហស្សនាមមួយទៀតរបស់ Turntablist គឺ DJ អ្នកប្រយុទ្ធ ជាអ្នកដែលប្រើ​ឧបករណ៍ Turntables និង DJ Mixer ដើម្បីរៀបសំឡេងដែលបានថតទុករួច មកបង្កើតតន្ត្រីថ្មី។ សរុបមក ពួកគេប្រើឧបករណ៍ឌីជេជាឧបករណ៍ភ្លេង។

- Residents : សំដៅដល់ DJ ដែលសម្ដែងជាប្រចាំនៅកន្លែងណាមួយ ហើយពួកគេមាន​ពេលវេលាធ្វើការច្បាស់លាស់ (ដោយមានកិច្ចព្រមព្រៀងត្រឹមត្រូវ) នៅក្នុង ឌីស្កូតឹក, ក្លឹប កម្មវិធីអ្វីមួយ ឬស្ថានីយ៍ផ្សាយច្បាស់ជាក់លាក់ណាមួយ។

ទស្សនាវីដេអូភាគទី ៤ អំពី DJ (ឌីជេ) របស់ Hype ខាងក្រោម៖

អត្ថបទពេញនិយម