គម្រោងផ្លូវល្បឿនលឿនថ្មីមួយទៀត នឹងឆ្លងកាត់រាជធានី-ខេត្តចំនួន៥

2023-03-28 02:29:39
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីផ្លូវល្បឿនលឿនភ្នំពេញ-ព្រះសីហនុ បើកដំណើរការ និងផ្លូវល្បឿនលឿនភ្នំពេញ-បាវិត គ្រោងនឹងបើកការដ្ឋានសាងសង់នាខែមិថុនាខាងមុខនេះ កម្ពុជា បានបន្តបើកភ្លើងខៀវឱ្យក្រុមហ៊ុនសាជីវកម្មស្ពាន និងថ្នល់ចិន (CRBC) បន្តសិក្សាលើគម្រោងផ្លូវល្បឿនលឿន ភ្នំពេញ-សៀមរាបមួយទៀត។

គម្រោងផ្លូវល្បឿនលឿនថ្មីនេះ នឹងចាប់ផ្តើមចេញពីរាជធានីភ្នំពេញ ឆ្លងកាត់ខេត្តកណ្តាល កំពង់ចាម កំពង់ធំ និងសៀមរាប។ នេះបើតាមលិខិតជូនដំណឹងរបស់ក្រសួងសាធារណការ និងដឹកជញ្ជូន ផ្ញើទៅកាន់អភិបាលរាជធានី-ខេត្តទាំង៥ កាលពីពេលថ្មីៗនេះ។

ក្រសួងបានស្នើឱ្យអភិបាលរាជធានី-ខេត្តទាំង៥ ជួយអន្តរាគមន៍ សម្របសម្រួលដល់អង្គភាពពាក់ព័ន្ធ និងអាជ្ញាធរមូលដ្ឋានក្នុងដែនសមត្ថកិច្ច ដើម្បីចូលរួមសហការជាមួយក្រុមហ៊ុនសាជីវកម្មស្ពាន និងថ្នល់ចិន ក្នុងការសិក្សាលើគម្រោងផ្លូវល្បឿនលឿននេះ ឱ្យបានរលូន ខណៈដំណើរការសិក្សា នឹងចាប់ផ្តើមនាពេលឆាប់ៗខាងមុខនេះ៕