នៅថ្ងៃទី១២ ខែមេសា ឆ្នាំ២០២៣នេះ បងប្អូនប្រជាពលរដ្ឋបានសម្រុកចាកចេញពីរាជធានីភ្នំពេញបណ្តើរៗហើយទាំងការប្រើមធ្យោបាយធ្វើដំណើរផ្ទាល់ខ្លួន និងជិះរថយន្តឈ្នួល ដើម្បី ទៅលេងស្រុកំណើតរៀងៗខ្លួនជួបជុំក្រុមគ្រួសារ សាច់ញាតិបងប្អូន ខណៈថ្ងៃ១៤ ខែមេសាខានស្អែកនេះ គឺដល់ថ្ងៃបុណ្យចូលឆ្នាំថ្មីប្រពៃណីជាតិខ្មែរ។

គួរកត់សម្គាល់ដែរថា យើងនៅឃើញមានរថយន្តឈ្នួលមួយចំនួន នៅតែដឹកលើសចំណុះ សំពីងសំពោង និងមានអ្នកអង្គុយលើដំបូលរថយន្តដដែល បើទោះបីជាមានការប្រកាសអំពាវនាវពីគណៈកម្មាធិការជាតិសុវត្ថិភាពចរាចរណ៍ផ្លូវគោកយ៉ាងណាក៏ដោយ។

សូមជម្រាបដែរថា រដ្ឋបាលរាជធានីភ្នំពេញ ក៏បានត្រៀមរថយន្តក្រុងជាច្រើនរយគ្រឿង ដើម្បីដឹកប្រជាពលរដ្ឋដោយឥតគិតថ្លៃ ទៅតាមបណ្តាខេត្តនានាផងដែរ ជាពិសេសគឺខេត្តសៀមរាប ចាប់ពីថ្ងៃទី១៣ ខែមេសាស្អែកនេះ។

តោះមកទស្សនាទិដ្ឋភាពការធ្វើដំណើរចាកចេញពីរាជធានីភ្នំពេញរបស់បងប្អូនប្រជាពលរដ្ឋខាងក្រោមនេះ៖

អត្ថបទ៖ សំភី