ឆ្លុះបញ្ចាំងហេតុផលដ៏អស្ចារ្យ ដែលប្រិយមិត្តគួររកស៊ីបើកហាងលក់វត្ថុអនុស្សាវរីយ៍
- 2023-04-19 04:59:02
- ចំនួនមតិ 0 | ចំនួនចែករំលែក 0
ឆ្លុះបញ្ចាំងហេតុផលដ៏អស្ចារ្យ ដែលប្រិយមិត្តគួររកស៊ីបើកហាងលក់វត្ថុអនុស្សាវរីយ៍
ចន្លោះមិនឃើញ
ការរស់នៅក្នុងសង្គម រមែងចៀសមិនផុតពីការទំនាក់ទំនង ហើយទំនាក់ទំនងដែលកាន់តែល្អ និងយូរអង្វែង គឺការយល់ពីគ្នា ផ្ដល់ប្រយោជន៍ឲ្យគ្នាទៅវិញទៅមកដោយសមធម៌ ក្នុងនោះការជូនអំណោយឲ្យគ្នា គឺជាការសម្ដែងទឹកចិត្តដឹងគុណ ឲ្យតម្លៃ គោរពស្រឡាញ់រវាងគ្នា ដែលគេឃើញជារឿយៗនៅក្នុងសង្គមបច្ចុប្បន្ន និងជឿថា ជារៀងរហូតទៅ។
ចំណុចល្អមួយទៀត ការជូនអំណោយ មិនត្រឹមតែអាចធ្វើទៅបានក្នុងកាលៈទេសៈធម្មតាៗ តែក៏វារឹតតែមានតម្រូវការនៅក្នុងកាលៈទេសៈសំខាន់ៗដូចជា មង្គលការ ខួបកំណើត ពិធីជប់លៀង ឡើងផ្ទះ សម្ពោធក្រុមហ៊ុន ។ល។ មិនត្រឹមប៉ុណ្ណឹង វាក៏មានភាពងាយស្រួលក្នុងការបង្កើតថែមទៀត។
អាជីវកម្ម “វត្ថុអនុស្សាវរីយ៍ ឬ អំណោយ" មានភាពងាយស្រួលក្នុងការចាប់ផ្តើម និងដំណើរការ ដោយសារតែមានតម្រូវការថេរនៅលើទីផ្សារ។ អតិថិជនតែងតែស្វែងរកវត្ថុដ៏អស្ចារ្យដែលពួកគេអាចចែករំលែកជាមួយអ្នកដ៏ទៃ មិនថាមានឱកាស ឬអត់នោះទេ។ អំណោយជាញឹកញាប់ត្រូវបានផ្តល់ឱ្យដោយក្តីស្រឡាញ់ និងការដឹងគុណដែលធ្វើឱ្យវាក្លាយជាវត្ថុពិសេស។
យល់ដឹង ឬក៏ស្វែងយល់ពីចំណុចអស់នេះ នឹងអាចនាំអ្នកទៅបង្កើតអាជីវកម្មមួយបាន។ ដូច្នេះឥឡូវនេះ អ្វីដែលអ្នកត្រូវធ្វើគឺស្វែងរកវត្ថុទាំងនោះដែលនឹងនាំមកនូវការលក់ដ៏ធំនិងប្រាក់ចំណេញ។
សំណួរសួរ ថាតើយើងចំណេញទេ? ចម្លើយ នោះគឺអ្នកអាចទាញយកអត្ថប្រយោជន៍ពីព្រឹត្តិការណ៍ពេញ១ឆ្នាំ និងការប្រារព្ធពិធីបានយ៉ាងងាយស្រួល ខណៈអ្នកមានតម្រូវការរាប់ចាប់ពីលក្ខណៈបុគ្គល ក្រុមហ៊ុន ឬអាជីវកម្មនានាថែមទៀត ឃើញទេ លទ្ធភាពគឺគ្មានទីបញ្ចប់។ ដូច្នេះបន្តមកទៀត ប្រសិនបើយល់ឃើញវិជ្ជមានហើយ អ្វីដែលអ្នកត្រូវធ្វើមាន៖
១.កំណត់ទីផ្សារ ឬអតិថិជនគោលដៅ និងការការផ្គត់ផ្គង់ផលិតផល ២.កំណត់ប្រភេទវត្ថុអនុស្សាវរីយ៍ដែលចង់បម្រើសេវាកម្ម ដែលមានច្រើន ដូចជារបស់ប្រើប្រាស់ តាំងលម្អ ទទួលទាន។ល។ ៣.ជ្រើសរើសឈ្មោះអាជីវកម្ម ៤.ធ្វើផែនការអាជីវកម្ម ៥.ស្វែងរកអ្នកផ្គត់ផ្គង់ផលិតផល ឬបង្កើតខ្លួនឯង ជាដើម៕