គ្រូ PSG ត្រូវបានបញ្ចប់ពីការងារ

2023-06-07 13:11:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប PSG បានសម្រេចបញ្ចប់ការងារលោក Christophe Galtier ពីមុខតំណែងអ្នកចាត់ការរបស់ក្លឹប។

កាលពីយប់ម្សិលមិញប្រភពពីក្លឹបបារាំងបានបង្ហើបនូវសេចក្ដីសម្រេចចិត្តនេះ។ យោងតាម Goal លោក Galtier ត្រូវបានក្លឹបជម្រាបពីការបញ្ចប់ការងារកាលពីព្រឹកថ្ងៃម្សិល។

រហូតមកទល់ពេលនេះ មិនទាន់មានសេចក្ដីរាយការណ៍ផ្លូវការណាមួយ ដែលបញ្ជាក់ពីមូលហេតុនៃការបញ្ចប់មុខតំណែងរបស់លោក Galtier។ តែបើតាមការវិភាគរបស់ Goal ការធ្វើមិនបានល្អក្នុង Champions League ក្នុងរដូវកាលនេះ បូករួមនឹងការជាប់ការចោទប្រកាន់មួយចំនួនដែលលោកធ្លាប់ប្រើពាក្យសម្ដី និងឥរិយាបថរើសអើងពូជសាសន៍ ជាមូលហេតុចម្បងៗដែលនាំឲ្យឈានដល់ការបញ្ចប់ការងារនេះ។

ការបញ្ចប់ការងារធ្វើឡើង បើទោះជា PSG ទើបតែឈ្នះលីគកំពូលបារាំងនាពេលថ្មីៗនេះក៏ដោយ។

លោក Galtier ដឹក PSG បានមួយឆ្នាំប៉ុណ្ណោះ។ មុនទទួលតំណែងនៅ PSG នៅខែកក្កដាឆ្នាំមុន លោកធ្លាប់ដឹកក្លឹបបារាំងចំនួន ៣ ក្នុងពេលវេលាខុសគ្នា រួមមាន ក្លឹប Nice ក្លឹប Lille និងក្លឹប Saint-Etenne។

យោងតាមសេចក្ដីរាយការណ៍ចុងក្រោយមួយចំនួន អតីតគ្រូ Bayern Munich លោក Julian Nagelsmann ជាបេក្ខជនឈានមុខក្នុងការទទួលការងារជាអ្នកចាត់ការ PSG ថ្មី៕

ប្រភព៖ Goal ប្រែសម្រួល៖ ហ៊ីម រស្មី