មុនកើតហេតុ Suleman ប្រាប់ក្រុមគ្រួសារថា រូបគេខ្លាចខ្លាំងណាស់ មិនចង់ចុះទៅបាតសមុទ្រទេ

2023-06-23 03:44:57
ចំនួនមតិ 0 | ចំនួនចែករំលែក 0

ចន្លោះមិនឃើញ

Suleman Dawood អាយុ 19 ឆ្នាំ ត្រូវបានគេជឿថាបានស្លាប់ទៅជាមួយឪពុកក្នុងដំណើរប្រថុយប្រថានចុះទៅមើលខ្មោចកប៉ាល់ Titanic។ នៅមុនបេសកកម្មនេះ ម្ដាយមីងរបស់ Suleman ប្រាប់ថា ក្មួយប្រុសខ្លួន មានការភ័យខ្លាចណាស់សម្រាប់ដំណើរនេះ ប៉ុន្តែរូបគេនៅតែបង្ខំចិត្តទៅដោយសារលោកឪពុក។

ម្ដាយមីងរបស់ Suleman ឈ្មោះ Azmeh Dawood បានប្រាប់ NBC News ថាក្មួយប្រុសរបស់នាងពិតជាភ័យខ្លាចខ្លាំងណាស់ ហើយបានត្រឹមតែយល់ព្រមបន្តបេសកកម្មនេះ ព្រោះវាមានសារៈសំខាន់ចំពោះឪពុករបស់គាត់។ Suleman ត្រូវបានគេរាយការណ៍ថាបានប្រាប់សមាជិកគ្រួសារថាគាត់មានការព្រួយបារម្ភអំពីដំណើរកម្សាន្តនេះ ហើយ "មិនសប្បាយចិត្តខ្លាំងណាស់សម្រាប់វា" ។

Suleman Dawood អាយុ 19 ឆ្នាំបានស្លាប់ជាមួយឪពុករបស់គាត់ឈ្មោះ Shahzada Dawood នៅលើនាវាមុជទឹក Titanic កំឡុងពេលបេសកកម្មទៅកាន់បំណែកនៃកប៉ាល់ទីតានិក។

រូបគេ គឺជានិស្សិតនៅសាកលវិទ្យាល័យ Strathclyde ក្នុងទីក្រុង Glasgow ដែលជា "អ្នកគាំទ្រដ៏ខ្លាំងចំពោះការច្នៃប្រឌិតវិទ្យាសាស្រ្ត និងការរៀននូវអ្វីថ្មីៗ" ហើយរូបគេ ក៏ចូលចិត្តលេងបាល់ទះណាស់ដែរ។ នេះបើយោងតាមគ្រួសាររបស់គេ៕

ប្រភព៖ Independent ប្រែសម្រួល៖ ទារិកា