ជ័យជម្នះយប់មិញរបស់ សុខ ធី មានការសាទរច្រើននៅខ្មែរមានទាំងកីឡាករ គ្រូ និងឧកញ៉ា
- 2023-07-06 04:05:38
- ចំនួនមតិ 0 | ចំនួនចែករំលែក 0
ជ័យជម្នះយប់មិញរបស់ សុខ ធី មានការសាទរច្រើននៅខ្មែរមានទាំងកីឡាករ គ្រូ និងឧកញ៉ា
ចន្លោះមិនឃើញ
សន្ទុះនៃការគាំទ្ររបស់កីឡាករ សុខ ធី ពេលប្រកួតម្ដងៗនៅតែច្រើន និងមានអ្នកតាមដានទស្សនាច្រើនពិសេសអ្នកនៅខ្មែរតែម្ដង។ ជាក់ស្ដែងការប្រកួតចុងក្រោយរបស់គេមុនមកខ្មែរនេះមានការតាមដាន និងទស្សនាអបអរច្រើនដូចជាគ្រូៗ កីឡាករខ្មែរ Admin live ពិសេសគឺអ្នកគាំទ្រគុនខ្មែរតែម្ដង។
បន្ទាប់ពីកីឡាករ សុខ ធី យកឈ្នះអ្នកលេងកម្ពស់ ផេតវិឆ័យ ភ្លាមៗនោះគឺឃើញមានអ្នកអបអរសាទរច្រើនតាមបណ្ដាហ្វេសបុកផេករបស់កីឡាករ គ្រូៗប្រដាល់នៅខ្មែរ មានទាំងលោកឧកញ៉ា ស្រី ចាន់ថន ផងដែរ។ បន្ថែមពីនេះទៅទៀតក៏មានការឧបត្ថម្ភថវិកាខ្លះៗតាមរយៈ Admin live ប្រដាល់ផងដែរជាទឹកចិត្តរបស់អ្នកស្រឡាញ់គាំទ្រ សុខ ធី និងជាការលើកទឹកចិត្តចំពោះការប្រកួតជាមួយជើងខ្លាំងថៃខាងលើ។
បន្ទាប់ពីការប្រកួតនេះហើយតាមដំណឹងនោះគឺកីឡាករ សុខ ធី នាំគ្រួសារមករស់នៅកម្ពុជាវិញហើយ និងត្រៀមខ្លួនប្រកួតតាមសង្វៀននានា។ កីឡាករដើមកំណើតមកពីខេត្តបន្ទាយមានជ័យរូបនេះទំនងជាមករួមរស់ជាមួយក្លឹបថ្មីរបស់លោកឧកញ៉ា ស្រី ចាន់ថន។
រំលឹកដែរថា កាលពីយប់ថ្ងៃទី៥ ខែកក្កដា ឆ្នាំ២០២៣ នេះកីឡាករ សុខ ធី បានប្រកួតឈ្នះពិន្ទុកីឡាករថៃ ផេតវិឆ័យ នៅសង្វៀនប្រដាល់មួយក្នុងប្រទេសថៃ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
