ក្រុមហ៊ុន Toyota គ្រោង​នឹង​បញ្ចេញ​រថយន្ត SUV ថ្មីមួយ​ដែល​មាន​ឈ្មោះកូដ 500D។ វា​ស្ថិតក្នុង​ចំណាត់ថ្នាក់ប្រភេទ A-SUV ដែល​នឹង​ក្លាយ​ជាគូប្រជែង​ដោយផ្ទាល់ និងដ៏កម្រ​សម្រាប់​រថយន្ត Suzuki Jimny។

ការឌីហ្សាញ​រូបរាង​របស់​រថយន្ត​នេះ ត្រូវបាន​គេអះអាង​ថា យកគំរូ​ចេញ​ពី Concept រថយន្ត​អគ្គិសនី Toyota Compact Cruiser EV និង​ជាប្រភេទ​ Toyota Land Cruiser mini ទៀតផង ព្រោះ​តែ​រូបរាង​បែបជ្រុងៗ​ដូចគ្នា។

ត្បិតតែរូបរាងតូច តែ​វាអភិវឌ្ឍ​ដែលផ្អែកលើសាក់ស៊ី iron-cylinder ដូចនឹង​ Toyota Fortuner។ រថយន្តនេះ ក៏មាន​សមត្ថភាពបើកលើផ្លូវ Off-road ដោយ​នឹង​មានមុំ​ Approach angle និង Exit angle កាន់តែធំផងដែរ។

យ៉ាងណាក៏ដោយ ក្រុមហ៊ុន Toyota មិនទាន់​បាន​បញ្ជាក់លម្អិតអ្វីឡើយជុំវិញ​រថយន្ត​នេះ ប៉ុន្តែគេរំពឹងថា វា​នឹងត្រូវបង្ហាញ​ទៅកាន់អតិថិជន​នៅ​ចុងឆ្នាំក្រោយ ដែល​ធ្វើឡើងនៅ​ក្នុងប្រទេសថៃ។

អត្ថបទ៖ សំភី