Mourinho រកបានច្រើនជាង ១០០លានដុល្លារអាមេរិក ពីថ្លៃសងរបួសផ្លូវចិត្តពីក្លឹបនានា

2024-01-17 11:20:39
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Jose Mourinho គ្រូបង្គោលជនជាតិព័រទុយហ្គាល់ មានប្រវត្តិត្រូវបានក្លឹបជាច្រើនបញ្ចប់មុខតំណែង ក្នុងអាជីពជាគ្រូរយៈពេលប្រមាណ ២៤ឆ្នាំមកនេះ។ លើកចុងក្រោយបង្អស់ ដែលលោកត្រូវបានគេបណ្ដេញចេញគឺនៅក្នុងខែមករា ឆ្នាំ២០២៤ នៅពេលដែលខាងក្លឹបអ៊ីតាលី Roma ប្រកាសចែកផ្លូវជាមួយលោក។

បុរសរូបនេះរកបាន ១០២លានដុល្លារអាមេរិក ដោយគ្រាន់តែពីថ្លៃសងរបួសផ្លូវចិត្ត បន្ទាប់ពីក្លឹបទាំងនោះបញ្ចប់កុងត្រារបស់លោក។

បើតាមការចុះផ្សាយរបស់សារព័ត៌មាន The Sun លោកទទួលទឹកប្រាក់ ២២លានដុល្លារ បន្ទាប់ពីខាង Chelsea ដេញលោកចេញកាលពីឆ្នាំ២០០៦ ហើយ ១០,៥លានដុល្លារ ពេល Chelsea ដេញចេញជាលើកទី២ កាលពីឆ្នាំ២០១៥។

បន្តមកទៀត លោកទទួលបានទឹកប្រាក់ ២១,៥លានដុល្លារ ពេល Real Madrid បញ្ចប់តួនាទីកាលពីឆ្នាំ២០១៣ ហើយក្បែរ ២៥លានទៀត ពេល Manchester United ផ្ដាច់ចំណងកាលពីឆ្នាំ២០១៨។ Tottenham Hotspur បង់លោកជិត ១៩លានដុល្លារអាមេរិក ពេលដែលចែកផ្លូវជាមួយលោក ប៉ុន្តែខាង Roma ឱ្យលោកតែជិត ៤លានដុល្លារប៉ុណ្ណោះ៕

ប្រភព៖ The Sun អត្ថបទ៖ សេរី មង្គល