កីឡាករមានការភ្ញាក់ផ្អើលក្រោយ Chelsea បញ្ចប់តំណែង Pochettino

2024-05-22 11:46:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប Chelsea បានធ្វើការបញ្ចប់តំណែង លោក Mauricio Pochettino ពីតំណែងអ្នកចាត់ការក្លឹបនៅក្នុងថ្ងៃនេះ។ បើយោងតាមការចុះផ្សាយផ្ទាល់របស់ក្លឹប។

កីឡាករ ក៏ដូចជាថ្នាក់ដឹកនាំក្រុមតោខៀវនេះមួយចំនួនមានការភ្ញាក់ផ្អើលជាខ្លាំង ក្រោយក្រុមប្រឹក្សាភិបាល Chelsea បានសម្រេចបណ្ដេញលោក Pochettino បែបនេះព្រោះតែម្នាក់ជឿថាលោកអាចនៅបន្តដឹកនាំក្លឹបនេះទៀត។

បើតាមការចុះផ្សាយរបស់ Fabrizio Romano ខាងថ្នាក់ដឹកនាំកំពូល Chelsea បានធ្វើការផ្លាស់ចក្ខុវិស័យភ្លាមៗផងសម្រាប់ Chelsea ក្នុងរដូវកាលថ្មីតទៅមុខនេះដោយថ្នាក់ដឹកនាំត្រូវការអ្នកចាត់ការវ័យក្មេង មានទម្រង់លេងប្រយុទ្ធ ដើម្បីបាល់ខ្លាំង និងជឿទុកចិត្តលើកីឡាករវ័យក្មេង។

Pochettino ដឹកនាំ Chelsea បានមួយរដូវកាលគឺរដូវកាលឆ្នាំ២០២៣/២៤ ដោយចុងបញ្ចប់នៃរដូវកាល Chelsea ឈរនៅចំណាត់ថ្នាក់ទី៦លើតារាង Premier League ដែលមិនមានលទ្ធភាពក្នុងការចូលរួមប្រកួត UEFA នានាសម្រាប់រដូវកាលក្រោយនេះនោះទេ។

គ្រូល្បីៗដូចជា Thomas Tuchel, Hansi Flick, Antonio Conte ឬក៏ José Mourinho មិនត្រូវបានក្លឹប Chelsea ទាក់ទងនោះទេ ដោយលោក Vincent Kompany គ្រូបង្គោលបែលហ្សិកអាចជម្រើសរបស់ Chelsea សម្រាប់រដូវកាលខាងមុខ៕