សហព័ន្ធសីដក់កម្ពុជា៖ ការប្រកួតសីដក់សិស្សឧត្ដមសិក្សាឆ្នាំនេះទទួលបានការចាប់អារម្មណ៍ខ្លាំង
- 2024-05-29 09:23:14
- ចំនួនមតិ 0 | ចំនួនចែករំលែក 0
សហព័ន្ធសីដក់កម្ពុជា៖ ការប្រកួតសីដក់សិស្សឧត្ដមសិក្សាឆ្នាំនេះទទួលបានការចាប់អារម្មណ៍ខ្លាំង
ចន្លោះមិនឃើញ
តំណាងសហព័ន្ធកីឡាសីដក់ និងឈិនឡូនកម្ពុជា ថាការប្រកួតកីឡាសិស្សឧត្ដមសិក្សា និងមធ្យសិក្សាបច្ចេកទេសឆ្នាំ ២០២៤ នេះមានការចាប់អារម្មណ៍ខ្លាំងពីសំណាក់សកលវិទ្យាល័យផ្សេងៗចង់ដាក់បញ្ចូលនៅឆ្នាំក្រោយៗ។
កញ្ញា សួង ចាន់តូរ៉ាទី អគ្គលេខាធិការស្តីទី បានឲ្យដឹងថា ការប្រកួតកីឡាសីដក់ នៃព្រឹត្តិការណ៍កីឡាសិស្សឧត្ដមសិក្សា ឆ្នាំ២០២៤ នេះមានសកលវិទ្យាល័យខ្លះសុំដាក់ចូលរួមប្រកួតមិនទាន់ទៀតផង។ ដោយសារតែភាពទាក់ទាញ និងចាប់អារម្មណ៍ខ្លាំងលើប្រភេទកីឡាមួយនេះ ព្រោះមិនសូវរើសទីលាន និងងាយលេងផងដែរ។
តំណាងសហព័ន្ធខាងលើបន្ថែមទៀតថា អ្វីដែលសហព័ន្ធចង់បាន និងជាការពង្រីកផ្សព្វផ្សាយឲ្យកាន់តែខ្លាំងនោះគឺនៅពេលនេះបានជ្រួតជ្រាបបណ្ដើរៗហើយដល់មហាជន ពិសេសតាមសកលវិទ្យាល័យនានា។ ដូច្នេះកញ្ញាជឿជាក់ថានៅការប្រកួតកីឡាសិស្សឧត្ដមឆ្នាំក្រោយនឹងមានសកលវិទ្យាល័យកាន់តែច្រើនចូលរួមដាក់ឲ្យប្រកួតកីឡាសីដក់នេះជាមិនខាន។
បញ្ជាក់ដែរថា ប្រភេទកីឡាសីដក់ និងឈិនឡូនកម្ពុជា នេះមានគ្រឹះស្ថានឧត្ដមសិក្សាចូលរួមចំនួន ៥។ ដោយឡែកសម្រាប់ជយលាភី លេខ១ វិទ្យាស្ថានខេមអេដ មេដាយមាស ១ ប្រាក់ ១ លេខ២ សកលវិទ្យាល័យអាស៊ីអឺរ៉ុប មេដាយមាស ១ សំរឹទ្ធ ១ លេខ៣ សកលវិទ្យាល័យ វេស្ទើន មេដាយមាស ១៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
