អ្នកគាំទ្ររបស់តារាសម្ដែងជើងចាស់វ័យ ៥៦ឆ្នាំ Jennifer Aniston ហាក់ភ្ញាក់ផ្អើល និងចង់ដឹងយ៉ាងខ្លាំង បន្ទាប់ពីប្រទះឃើញតារាសម្ដែងរូបនេះត្រូវគេគប់ប្រេងម៉ាស៊ីន ត្រូវពេញជោគមួយជំហៀងខ្លួនខណៈកំពុងថតរឿង The Morning Show ថាឧបទ្ទវហេតុជះប្រេងនេះនរណាជាអ្នកធ្វើទង្វើដាក់នាង ឬគ្រាន់តែជាផ្នែកមួយនៃសាច់រឿង។

នៅព្រឹកថ្ងៃទី ៣០ កក្កដានេះ សារព័ត៌មានបានចេញផ្សាយព្រោងព្រៀត មិនតែប៉ុណ្ណោះបណ្ដាអ្នកគាំទ្ររបស់ Jennifer បើកភ្នែកធំៗតែម្ដងក្រោយឃើញ Idol ឈរស្រឡាំងកាំង និងគាំងស្ដូកឈរនៅមួយកន្លែង ព័ន្ធដោយមនុស្សជាច្រើននាក់នៅជុំវិញ បន្ទាប់ពីត្រូវគេគប់ប្រេងម៉ាស៊ីនពណ៌ខ្មៅដិតដាក់នាងជោគមួយជំហៀងខ្លួន ប្រលាក់អាវស កាបូប និងខោពណ៌ត្នោតរបស់នាង។ ហើយរូបភាពទាំងនេះត្រូវបានគេបង្ហោះពាសពេញបណ្ដាញសង្គមផងដែរ។

ទោះជាយ៉ាងណាក៏ដោយ ខណៈដែលអ្នកគាំទ្ររបស់ Jennifer ចាប់ផ្តើមប្រតិកម្មនឹងឧបទ្ទវហេតុនេះ វាត្រូវបានបង្ហាញថា វាគ្រាន់តែជាផ្នែកមួយនៃឈុតដែលតារាសម្តែងកំពុងថតរឿងរឿងប៉ុណ្ណោះ។ សកម្មភាពទាំងនេះគឺជាផ្នែកមួយនៃ The Morning Show និងផ្នែកមួយនៃឈុតឆាកតវ៉ាដែល Jennifer ក្រុមការងារកំពុងថត មិនមែនជាឧបទ្ទវហេតុពិតប្រាកដអ្វីនោះទេ៕

ប្រភព៖ pagesix   អត្ថបទ៖ កេសរ