ចូ បៃដិន ត្រូវបានគេឃើញសម្រាកនៅមាត់សមុទ្រ ក្រោយបាត់មុខអស់ ៣អាទិត្យ

2024-08-12 11:04:47
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកប្រធានាធិបតីសហរដ្ឋអាមេរិក ចូ បៃដិន ត្រូវបានគេប្រទះឃើញនៅឯមាត់សមុទ្ររដ្ឋឌែឡាវែរ (Delaware) ដែលជាស្រុករបស់លោក។ នេះបើតាមការចុះផ្សាយព្រោងព្រាតនៅតាមបណ្ដាសារព័ត៌មានស្រុកអាមេរិក។

លោកបៃដិន បានបាត់មុខចេញពីក្រសែភ្នែកសាធារណជន ក្រោយពីលោកបានប្រកាសដកខ្លួនចេញពីការបោះឆ្នោតជ្រើសរើសប្រធានាធិបតីនៅឆ្នាំ២០២៤នេះ កាលពីថ្ងៃទី២១ ខែកក្កដាកន្លងទៅ។ អនុប្រធានាធិបតីរបស់លោកគឺ អ្នកស្រី កាម៉ាឡា ហារីស ជាបេក្ខជនគណបក្សប្រជាធិបតេយ្យបន្តជំនួសលោក ហើយអ្នកស្រីនឹងត្រូវប្រឈមមុខនឹងលោកដូណាល់ ត្រាំ ដែលជាបេក្ខភាពប្រធានាធិបតីមកពីគណបក្សសាធារណរដ្ឋ។

បើតាមការចុះផ្សាយមួយចំនួនបានឱ្យដឹងថា លោកបៃដិន មិនសូវជានៅសេតវិមាន នៅឯរដ្ឋធានីវ៉ាស៊ីនតោន ប៉ុន្មាននោះទេ ក្រោយពីដកខ្លួនចេញពីការបោះឆ្នោត។

លោកនៅតែទទួលភ្ញៀវសំខាន់ៗ ក៏ដូចជាទូរស័ព្ទជាមួយថ្នាក់ដឹកនាំពិភពលោកផ្សេងៗ ហើយនិងនៅចាំស្ដាប់សេចក្ដីរាយការណ៍របស់បុគ្គលិករបស់លោកតែប៉ុណ្ណោះ។

ជាងនេះទៅទៀត លោកអាចនឹងបន្តវិស្សមកាលរបស់លោកនៅក្នុងខែនេះបន្តទៅទៀត ចាកឆ្ងាយពីរដ្ឋធានីវ៉ាស៊ីនតោន៕

Biden — who held just one public event this week — is currently lounging on the beach in Delaware.

He has spent 40% of his entire presidency on vacation.

Who is running the country? pic.twitter.com/NAva2BLPMm
— RNC Research (@RNCResearch) August 10, 2024