ត្រាយអាស៊ី ប្រកាសជាសាធារណៈស្វែងរកគ្រូបង្វឹកថ្មី

2014-11-26 23:26:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ត្រាយអាស៊ីភ្នំពេញ (TriAsia Phnom Penh FC) ប្រកាសស្វែងរកគ្រូបង្វឹកបង្គោលថ្មី បន្ទាប់ពីគ្រូបង្គោលចាស់លោក Yoshioka បានលាឈប់កាលពីពេលថ្មីៗនេះ។

ក្លិបត្រាយអាស៊ីបានឲ្យដឹងថា បន្ទាប់ពីការលាឈប់របស់គ្រូបង្វឹកលោក Daisuke Yoshikaមក មានគ្រូបង្វឹកទាំងជនជាតិកម្ពុជា និងបរទេសក្នុងនោះមានជនជាតិជប៉ុនជាច្រើនបានសួររឿងគ្រូបង្វឹកថ្មី។ «យើងកំពុងពិភាក្សាគ្នាជុំវិញការរើសគ្រូបង្វឹកថ្មីនេះ តែយើងនឹងធ្វើការសម្រេចជ្រើសរើសតាមរយៈប្រកាសស្វែងរកជាសាធារណៈ»។

ក្រុមត្រាយអាស៊ីរដូវឆ្នាំ២០១៤

ក្លិបបានបញ្ជាក់ថា ៖«យើងត្រូវការគ្រូបង្គោលណាដែលមានគោលបំណងរួមមួយគឺកសាងក្លិបឲ្យបានលេខមួយនៅអាស៊ានពីប្រទេសកម្ពុជា»។

តម្រូវការដែលគ្រូបង្វឹកទាំងជនជាតិកម្ពុជា និងបរទេសដាក់ពាក្យធ្វើជាគ្រូបង្គោលនៅក្លិបត្រាយអាស៊ីភ្នំពេញត្រូវមានសញ្ញាប័ត្រ AFC C License។ លើសពីនេះគឺមានបទពិសោធន៍ច្រើនសម្រាប់ការបង្វឹកនៅក្លិបកម្រិតខ្ពស់ ឬធ្លាប់លេងបាល់ទាត់នៅលីកកម្រិតខ្ពស់ យល់ពីបាល់ទាត់កម្ពុជា ឬមានឆន្ទៈស្វែងយល់ពីបាល់ទាត់កម្ពុជា ជាពិសេសមានគោលបំណងរួមមួយគឺកសាងក្លិបលេខ១នៅអាស៊ានពីប្រទេសកម្ពុជា ចេះនិយាយភាសាខ្មែរ ឬអង់គ្លេស ហើយអាចចូលដឹកនាំបានចាប់ពីដើមខែមករា ឆ្នាំ២០១៥ខាងមុខ។ ផុតកំណត់ទទួលពាក្យថ្ងៃទី២៨ ខែវិច្ឆិកា ឆ្នាំ២០១៤។

លោក Yoshioka Daisuke បានលាឈប់ពីក្លិបត្រាយអាស៊ីកាលពីចុងសប្ដាហ៍មុនដែលរហូតដល់ពេលនេះមិនទាន់មានគ្រូជំនួសនៅឡើយ។ លោកគ្រូបង្វឹកជនជាតិជប៉ុនរូបនេះបានមកប្រទេសកម្ពុជាឆ្នាំ២០១០ដោយបានដឹកនាំក្រុមបាល់ទាត់ជម្រើសជាតិយុវជនក្រោមអាយុ១៦។ លោកបានដឹកនាំក្រុមត្រាយអាស៊ីចុងឆ្នាំ ២០១២ដោយបានជួយក្លិបដែលម្ចាស់ជាជនជាតិជប៉ុនមួយនេះមានចំណាត់ថ្នាក់ខ្ពស់នៅលីកកំពូលកម្ពុជា៕

មើលព័ត៌មានពិស្តារ សូមចុច...

ប្រែសម្រួល៖ ជាន ចាន់រ៉ា