Mohamed Salah ៖គ្មានអ្នកណាម្នាក់និយាយពីរឿងតកុងត្រាជាមួយខ្ញុំទេ

2024-09-02 06:28:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធជម្រើសជាតិអេហ្ស៊ីប និង ហង្សក្រហម Liverpool, Mohamed Salah បាននិយាយក្រោយចប់ការប្រកួតរវាងក្រុមខ្លួន និង Manchester United កាលពីយប់មិញនេះថា រដូវកាលនេះអាចជារូដូវកាលចុងក្រោយរបស់ខ្លួន ព្រោះមិនទាន់មានអ្នកណានិយាយរឿងកុងត្រាថ្មីទេ ខណៈដែលកុងត្រាចាស់នឹងផុតនៅរដូវក្ដៅក្រោយបញ្ចប់រដូវកាលនេះ។

Mohamed Salah ជួយ Liverpool បានយ៉ាងល្អក្នុងជំនួបយកឈ្នះទៅលើបិសាចក្រហម Manchester United ៣-០ កាលពីយប់មិញនេះដោយបោះបាល់ឲ្យ Luis Diaz ស៊ុតបាន២លើក និងស៊ុតខ្លួនឯងបានមួយ១គ្រាប់ផងដែរ។ រឿងកុងត្រាថ្មីដ្បិតថាមិនទាន់មានប៉ុន្តែ Salah ចង់បញ្ចប់វាដោយភាពរីករាយ និងលេងដោយភាពរីករាយនៅ Liverpool ។

« ខ្ញុំសល់កុងត្រាដល់រដូវក្ដៅក្រោយ។ យូរហើយដែលខ្ញុំចូលចិត្តគិតអីល្អៗ ហើយនិងចូលចិត្តភាពឯករាជ្យ និងសប្បាយៗ។ ដូចអ្វីដែលអ្នកបានដឹងស្រាប់ហើយនេះជារដូវកាលចុងក្រោយរបស់ខ្ញុំហើយ ដូច្នេះខ្ញុំចង់លេងដោយរីករាយជាមួយវា។ ខ្ញុំមិនចង់គិតអីពីរឿងកុងត្រានោះទេ ខ្ញុំដឹងត្រឹមថាខ្ញុំរីករាយ និងសប្បាយចិត្តសម្រាប់អាជីពបាល់ទាត់របស់ខ្ញុំ។....យ៉ាងណាបើនិយាយពីរឿងកុងត្រានោះអ្វី!វានឹងកើតឡើង ហើយយើងនឹងបានឃើញវានៅពេលនោះ»។ នេះជាការលើកឡើងរបស់ Salah ។

ខ្សែប្រយុទ្ធដដែលបានបន្ថែមថា ដើម្បីជាការស្មើភាពគ្នាខ្ញុំបំពេញកិច្ចការរបស់ខ្ញុំដែលនៅសល់ ហើយប្រឹងលេងឲ្យអស់សមត្ថភាព។ អ្វីៗទាំងអស់មិនមែនស្ថិតនៅលើការសម្រេចចិត្តរបស់គេទេ គឺស្ថិតនៅលើក្លឹបតែប៉ុណ្ណោះ។

គេដឹងថា កាលឆ្នាំ២០២២ Salah បានបន្តកុងត្រា៣ឆ្នាំជាមួយ Liverpool និងទទួលបានថ្លៃពលកម្មខ្ពស់បំផុតប្រចាំក្លឹបរហូតដល់ទៅ ៣៥០,០០០ ផោនក្នុងមួយសប្ដាហ៍។ យ៉ាងណាកាលពីពេលថ្មីនេះ Liverpool ក៏បានបដិសេធមិនលក់ Salah ក្នុងតម្លៃ១៥០លានផោនទៅកាន់ Al - Ittihad ដែរ៕

ប្រភព៖ BBC Daro Ly